1259/2022-2023
Kolasib: Dated the 15th July, 2022: Deputy Commissioner, Kolasib chuan Serlui tuikhuah humhalh a nih theih nan a hnuaia mi ang hian thupek a chhuah.

Tunlai hian Serlui tuikhuah huamchhungah mi thenkhatin dan lo angin sangha leh nungcha an man thin tih hriat a ni a. Hei hian tuikhuah leh thawktute tan harsatna siam thei a nih avang leh Gelatin leh Dynamo te phei chuan nungcha nasa takin a ti rem tih hriat a ni a. Hengte hi Section 6 of The Mizoram Fisheries (Amendment) Act, 2016 chuan a khap tlat a ni.

1. Mi tumahin Serlui tuikhuah area huamchhungah phalna neilo in sangha leh nungcha an man tur a ni lo.

2. Tur chi hrang hrang, chinai, bleaching powder etc. hmanga nungchate man khap tlat a ni.

3. Dynamite, Generator, Gelatin leh puak thei chi hrang hrang hmanga sangha man khap tlat a ni.

4. Serlui tuikhuah hi a enkawl tu bik leh phalna pe thei te hnen atanga phalna nei thlap an nih loh chuan mi tumahin a chhunga nungchate an khawihin an man tur a ni lo.

He thupek hi bawhchhia an awm a nih chuan IPC Section 188 hmanga hrem an ni ang.

He thupek hi chhuah a nih atanga thla 2 (hnih) chhung a nung ang.