No.7899/2020-2021
Dated Kolasib: The 24th March, 2021: Mizoramah Covid-19 hrilengin ziaawm lam a pan mek nia lan laiin India ram State thenkhatah he hri hi a hluar thar leh nia hriat ani a, chuvangin Kolasib DC chuan mitin mahni zawn theuha fimkhur turin a ngen nawn leh a ni.
Hetih lai hian mi thahnemngaiten Kolasib District chhunga Railway Construction Company hrang hrang hnathawktute awmna pan chilhin a huhovin ringlomite Pathian thu an hrilh thin tih hriat a ni.
He rawngbawl hna thlaraubo chhanchhuah tuma beihna hi thil pawimawh tak leh lawmawm tak anih rualin, hnathawktute hi India ram hmun hrang hrang atanga lo kal an nih avang leh hri inkaidarh theina hlauhawmtak anih tel theih avangin Kohhran pawl hrang hrangten rilru fim tak kan hman a tul hle a ni.
District Level Task Force Meeting ni 22nd March, 2021-a neih chuan hnam dang mite pan chilha a huhova rawngbawl hi him tawk lova a hriat avangin tih rih loh nise ati a ni.
Chuvangin, Kohhran pawl hrang hrang leh Fellowship hrang hrangte pawhin hun remchang tha zawk dawhthei taka nghakin tun dinhmunah chuan a hmun pan chilha rawngbawl hna hi thawk rih lo tura ngen leh hriattir an ni.
