No.2382/2021-2022
Aizawl; the 29th September 2021: Mizoram Sawrkar Health & Family Welfare Department chuan Covid-19 inenkawlna a thlawna dawng thei turte leh dilna thehluh dan tur chungchangah September ni 24, 2021 khan thuchhuah a siam a. He inkaihhruaina hi chhuah a nih atanga thu leh awm hma chuan hman tur a ni ang:
1. A thlawna Covid-19 enkawlna dawng thei chinte:
(a) Health & Family Welfare Department, Government of Mizoram in a hriatpui leh a hnuaia thawktu Healthcare workers leh thawktu dangte, Covid-19 do na tura in Volunteer-te.
(b) Covid-19 damlo, Home Isolation-a awmte enkawltu Care-giver (volunteer).
(c) Village Level Task Force/ Local Level Task Force member-te leh Task Force ten an hnathawh tanpui tura an ruatte (volunteer).
(d) Deputy Commissioner-in Covid-19 Executive Duty tura a ruatte.
2. Covid-19 enkawlna a thlawna pek theih dan sawifiahna:
Para 1-a tarlan mi tupawh Covid-19 dona kawnga a duty naah, Swab sample laknaah, Covid-19 damlo enkawlnaah leh a dangte, atanga Covid-19 a kai a nih chuan a hnuai mi ang hian hriatpuina (certification) pek tur a ni-
(i) Health Care Workers te chu an mahni controlling officer emaw Covid hrik a kai a ni tih hmuhchhuah a nih laia Contact Tracing Team / Active Case Search Team Leader ten hriatpuina (Certification) an pe ang.
(ii) LLTF/ VLTF mi leh sa-te chu an veng/khua a VLTF/LLTF Chairman/Secretary emaw Covid hrik a kai a ni tih hmuhchhuah a nih laia Contact Tracing Team / Active Case Search Team Leader ten hriatpuina (Certification) an pe ang.
(iii) Care-giver te chu an veng/khua VLTF/LLTF Chairman/Secretary emaw Covid hrik a kai a ni tih hmuhchhuah a nih laia Contact Tracing Team / Active Case Search Team Leader ten hriatpuina (Certification) an pe ang.
Sawifiahna: Duty na atanga Covid-19 hrik kai ni lova chhan dang vanga kai an nih chuan a thlawna enkawlna hi pek theih an ni lo.
3. Covid-19 a thlawna enkawlna (Free treatment) dil dan tur:
(1) Tupawh a thlawna Covid-19 enkawlna dil tur chuan Covid-19 enkawlna hmuna a luh (admit) dawnin a hnuaia form-te hi a thehlut tur a ni-
a) Covid-19 dona kawnga chanvo ruatna lehkha (Authenticated copy of engagement/ appointment)
b) Para 2 a tarlan angin Covid-19 a kai dan (duty atanga kai ngei a nih leh nih loh) hriatpuina lehkha
c) A thlawna enkawlna (free treatment) dilna chu a hnuaia form ang hian theh luh tur a ni:
Form-I.pdf
(a) Ei leh in, sawrkar approved rate ding lai angin.
(b) Enkawltu Medical Officer-in Covid-19 damlote enkawl dan tur inkaihhruaina ding lai ang zela a chawh damdawite.
(3) Damdawi mamawh hrang hrang Covid-19 damlote enkawl dan tur inkaihhruaina in a tarlan ang te chu Covid-19 enkawlna hmunah eng lai pawha a awm reng theih nan Health & Family Welfare Department chuan hma a la ang: damdawi mamawh a awm remchanglo a nih chuan a enkawltu Medical Officer emaw Medical Superintendent emaw in a lei mai ang a, a senso chu Health & Family Welfare Department in a tum ang.
(4) He thu chhuah a nih hma lama Covid-19 enkawlna senso bill duh (reimbursement) te chu a chunglama tarlan tawh hriatpuina lehkha chi hrang hrangte an theh luh chuan a hnuai Para 4 in a tarlan ‘Covid-19 enkawlna inkaihhruaina (guidelines for treatment) in a huam chin angin sawrkarin a tum sak ang.
4. Covid 19 hri kai damlote in enkawl dan tur:
Directorate of Health Services, Ministry of Health and Family Welfare, Govt, of India in a lo chhuah tawh, “”Comprehensive Guidelines for Management of Covid 19 (dt 27.05.2021)” chu a nihna anga pawm a ni a. He inkaihhruaina hnuaiah hetiang hian Covid 19 hri kai te in enkawl an ni ang:
4.1 Asymptomatic (Natna lang chhuak lo): Mi tupawh COVID - 19 test positive, mahse COVID 19 natna engmah lang chhuak lo.
a) Enkawlna hmun tur: Mahni inah (home isolation) emaw CCC-ah tele-consultation hmangin emaw vil an ni ang.
b) Enkawl dan tur: Damdawi hranpa a ngai lova, natna dang nei inenkawl lai an nih chuan, an damdawi ei lai chu an chnunzawm ang. Tele-Consultation hman tangkai tur a ni a, Covid Appropriate Behavior (CAB -mask vuah, kut sil fai fo leh midang hlata awm) tha taka zawm tur a ni, chaw tha ei tur a ni a, tui in tam leh exercise regular takin lak thin tur a ni. Damlote chu phone leh video call hmanga anmahni vil tute be rawn thin turin zirtir tur a ni.
c) Investigation: A tlangpui thu in investigation tih a ngailo a ni.
4.2 Mild Symptomatic (Natna lang chhuak nasa lo): Thawk lama harsatna neilo, Respiratory rate pawh<24/minute, room chhunga SPO2 level >94%, Minute 6 chhunga kai kuala thawhah lo.
a) Enkawlna hmun tur: Mahni inah (Tele consultation hmanga vil tur) emaw CCC-ah.
b) Enkawl dan tur: Covid Appropriate Behavior (CAB -mask vuah, kut sil fai fo leh midang hlata awm) uluk takin an zawm tur a ni. Chaw tha ei leh tui in tam tur, damlo leh an chhungte chu phone leh video call hmanga anmahni vil tute be rawn thin turin zirtir tur an ni. Mahni inchikin khawsik, thawhah leh SPO2 te uluk taka en fo tur a ni. Khawsik leh khuh chhawkna a tul dan a zirin ei thin tur; inhalational (hip chi) budesonide (a thena awm chi inhaler (hipna) hmangin 800mcg nitin vawi hnih (two times) ni nga (5) chhung tih tur a tul chuan). COVID damdawi hranpa a ngailo.
c) Investigation: DamIo chuan that lam a pan mai loh chuan investigation tul ang angte tih sak tur a ni.
4.3 Moderate Symtomatic (Natna lang chhuak nasa ve deuh): Thawhah/ Thawk harsatna nei; respiratory rate pawh 24/minute aia tarn mahse 30/minute aia tlem, room chhunga SP02 90%-93%.
a) Enkawlna hmun tur: DCHC-ah emaw DCH-ah emaw enkawl tur a ni.
b) Enkawl dan tur: Damlo COPD (Chronic obstructive Pulmonary Disease) neite chu SPO2 92%-95% a nih theih nan Oxygen pek tur a ni. Damlo COPD neite chu an SP02 mamawh zat hi 88%-92% a nih avangin a tul dana oxygen hi pek mai tur a ni. Natna benvawn dang nei, a bik takin Zunthlumte chu uluk taka enkawl chhunzawm reng tur a ni. SPO2 hi 92% aia a hniam chuan Steroids pek tan tur a ni. Chuapah oxygen tha taka a luh theih nan damlo chu bawkkhupa awm tir thin tur a ni. Investigation pawh a tul dan ang zelin tih thin tur a ni. Steroids, anti-coagulant leh/or immune-modulators (immunosuppressant) te chu investigation result a zirin hman tur a ni. Prophylactic doses of anti-coagulants entirnan LMWH (Low Molecular Weight Heparin) emaw UFH (unfractionated heparin) a tul dan azirin pek theih an ni.
4.4 Severe Symptomatic (Natna langchhuak nasa): Thawk harsa / thawhah nasa; respiratory rate pawh 30/minute aia sang; room chhunga (COPD nei sa lo) SP02 < 90%
a) Enkawlna hmun tur: Covid Hospital ICU-ah enkawl tur an ni.
b)Enkawl dan tur: Oxygen pek nghal tur a ni a, SP02 >90% (naupai lai ni lote ah) emaw SP02 - 92%-96% (Nu naupaiah) a nih theih nan - a tirah 5L/minute pek tur a ni. Investigation pawh a tul dan angin tih nawn fo tur a ni. Steroids, anti-coagulant leh/emaw immune-modulators (immunosuppressant) te chu investigation result a zirin hman tur a ni a. Invenlawk nan heng damdawi LMWH (Low molecular weight Heparin) or UFH (unfractionated heparin) eg 40mg SC enoxaparin nitin pek tur an ni. Anticoagulants (thisen khang vengtu) te pawh damlo awmdan a zirin a pek theih a ni.
