No.2383/2021-2022

Aizawl the 29th September, 2021 : Vawiin khan DC Conference Hall, Mamit-ah NABARD buatsaihin Bankers leh Line Department te tan Sensitization Meet neih a ni a. Dr. Lalrozama, IAS, District Bawrhsap chuan he hun hi a kaihruai a ni.

Meeting kaihruaitu Dr. Lalrozama chuan Mamit District chu Aspirational District kan ni nachungin hmasawn theihna potential ngah tak kan ni a. Ei leh bara intodelhna kawngah ram leilung tha tak tak kan neih chu hmang thiam a, kan economy tithangtu-ah hmang tangkai tura thawkho turin Bankers leh Sorkar line Department te chu a chah a. NABARD hnuaia development scheme hrang hrangte chu District mipuite'n hlawkthlak taka an chhawr theih nan thlirna zau zawk nei a, mahni bila kal lovin hmalakpui thin nise a ti bawk.

Meeting-ah hian NABARD hnuaia Development Scheme hrang hrang District mipuite tana tangkai tur Bankers leh Line Department tangkawpa thawhho tur chu JD Traite, District Development Manager, NABARD, Mamit chuan a lem nena entirin sawifiahna a nei a. Primary Agricultural Credit Society (PACS) chu lo nei mite'n a pung tlem zawka sum an puk theih nana Scheme duan anih thu tarlan a ni. Financial Inclusion Fund (FIF) hnuaia Kum 2021-22 chhungin NABARD atanga Project hrang hrang atan 191.25 lakhs Sanction a nih thu tarlan niin Livelihood & Enterprise Development Programme (LEDP) leh Micro Enterprise Development Programme (MEDP) thil tum leh he programme hnuaia Assistance hrang hrang awm te tarlan a ni a. Farmer Producers Organizations (FPOs), Self Help Groups (SHGs) leh Joint Liability Group (JLG), NABARD hnuaia Interest Subvention leh Credit Guarantee Coverage awm thei te, NABARD hnuaia hamthatna hrang hrang Banker leh Line Department te hriat tur Meeting-ah hian tarlan a ni bawk.

Vawiin Sensitization Meet-ah hian Mamit District chhunga Bank hrang hrang Manager te bakah Line Department aiawhte an tel a ni.