No.2384/2021-2022

Aizawl the 29th, Sept; 2021: Vawiin khan Urban Development & Poverty Alleviation Department, Lunglei buatsaihin Convention Centre Conference Hall ah India ram zalenna kum 75-na tlin lawmna puala faina beihpui thlakna atana bawlhlawh sawngbawl leh thliar chungchang ( Azadi Ka Amrit Mahaotsav Towards Swachhta Awareness Campaign on Source Segregation) zirtirna petu tur Lunglei khawpui chhunga Self Help Group hrang hrang aiawhte leh Sanitation Worker(UD&PA) Department te hnenah zirtirna pek a ni.

Pi Vanthangpuii, District Urban & Development Officer, Lunglei chuan India ram in zalenna kum 75 champha pualin Azadi ka Amrit Mahotsav programme tih hlawhtlin nan faina beihpui thlakna awareness campaign hi buatsaih anih thu a sawi a. India ram hmun hrang hrang a faina beihpui thlakna kalpui mek ah Mizoram ah pawh hman tura rel anih angin vawiin khan Lunglei khawpui chhunga Self Help Group hrang hrang aiawh te leh UD&PA Department hnuaia Sanitation Worker ten bawlhhlawh sawngbawl leh thliar chungchang inzirtirna mobile campaign neih neih a ni a, Self Help Group leh Sanitation Worker te hi group li (4) ah in thenin chhim leh hmar ah bawlhhlawh thliar hran dan in tin a kal a zirtirna pe tur a tih an ni. Heng hmalaknate hi Covid Apprpriate Behavior zawm chunga kalpui an ni.