No.2385/2021-2022

Aizawl the 29th, Sept; 2021: Vawiin khan Mizoram Government Adhoc Aided High School Teachers Association (MIGAHTA) hruaitute chuan School Education Minister Pu Lalchhandama Ralte hnenah a ?ulna hmun apianga hman turin Ambulance pahnih an hlan.

Ambulance hlanna inkhawm hi School Education Minister Pu Lalchhandama Ralte chenna inah neih a ni a. He hunah hian Minister chuan thusawiin, Zoramin hripui leng avanga hun khirh tak a tawn laia zirtirtu pawl hrang hrangte inpekna chu lawmawm a tih thu a sawi a. Zirtirtute chu ram leh hnam dintu an nih avangin Mizoramin hun thim a tawn lai pawha beiseina êng min pe theitu an ni a, zirna chu ram hnuk pawimawh ber a nih avangin hrileng karah pawh zirna chu a chawl ve thiang lo a ni a ti.

Minister chuan zirna tih hmasawnna turin Chief Minister zahawm tak Pu Zoramthanga hovin theihtawpa hmalak a ni a, hun hmasa lam ngaihtuah chuan Mizoram zirnain hmel thar tam tak a hmu tawh a ni a ti a. Chutih rualin hrileng avanga sorkar sum leh pai dinhmun a tlakhniam nasat avangin sorkarin zirna chungchanga hmachhawp tam tak a neihte a tihlawhtling nghal theilo a nih pawhin dawhthei taka lo nghak turin zirtirtu pawl hruaitute a ngen a ni.

He hunah hian MIGAHTA President Pu David L.C Chhakchhuak chuan hripui lengkarah pawh zirna a ?huanawp mai lohna tura Education Minister hmalakna chu an pawl chuan chhuanawm an tih thu leh an thlawp tlat zel dawn thu a sawi a. Hrileng karah pawh sorkar ruahmanna angin zirtirtute chuan naupang zirtirna an kalpui reng thu te, hrilen tirh a?anga vawiin thlengin ram leh khawtlang himna tura zirtirtuten nasa taka an beih thute a sawi bawk a ni.

MIGAHTA hian hripui leng dona atan kum 2020 khan an nikhat hlawh an lo thawh tawh a, kum 2021 hian an hlawh thawhkhawm ? 19,02,970/- (Nuai sawmpakua sanghnih zakua sawmsarih) chu hripui dona atan sorkarin a ?ul anga a hman atan an hlan leh a ni.

Mizoram Govt. Adhoc Aided High School hi Mizoram pumah School 129 awmin, thawktu hi School tinah Headmaster pakhat, Teacher 5 leh IV Grade pakhat an awm a, Mizoram pumah thawktu 903 an awm mek a ni.