No.3229/2019-2020

Aizawl, the 23rd March, 2020: Mipui kan lo him zawk nan Aizawl District Bawrhsap Pu Vanlalngaihsaka chuan a hnuaia mi ang hian Screening, Quarantine leh Isolation Facility chungchanga hriattirna leh thuphek a chhuah.

The Mizoram Epidemic Diseases (COVID-19) Regulations, 2020 Regulation No. 7-in a tarlan angin:-

1) Mi tu pawh tun ni 28 liam ta chhunga Covid-19 hri lenna ram atanga Mizoram lo lutte chuan an rawn luh rualin, sorkarin screening point a siamna hmunah an in report ngei ngei tur a ni.

2) Mi tupawh tun ni 28 liam ta chhunga Covid-19 hri lenna ram atanga Mizoram lo lutte chuan, Covid-19 veia rinhlelh ni lo mah sela, an lo thlen atanga ni 14 chhung anmahni inah an in khung hrang tur a ni. Chung mite chu an chhungte leh midangte tawk lo turin an fimkhur tur a ni a, Home Quarantine Guidelines, Central/State sorkarin a chhuahte an zawm tur a ni. An zawm duh lo a nih chuan tihluihna nena khung hran theih an ni. Heng mahni in-a khung hran te hian Covid-19 vei anga an taksaah lang chhuak a awm a nih chuan State sorkarin anmahni enkawlnaah hma a lak thuai theih nan State Helpline No. 102, 0389-2318336 leh 0389-2323336 ah rang taka in report tur a ni.

3) Mi tupawh tun ni 28 liam ta chhunga Covid-19 hri lenna ram atanga Mizoram lo lutte zingah Covid-19 vei ngei nia rinhlelh an awm a nih chuan sorkarin Isolation Facility a ruahmanah te dah hran tur an ni a, test result ah Covid-19 a veilo ngei a ni tih hriatchian hma chu he Isolation Facility ah hian an awm tur a ni.

A chunga thupek tarlante zawmlote chu, The Mizoram Epidemic Diseases (COVID-19) Regulations, 2020, Rule 10 (1,2 &3 & 4) in a tarlan angin tihluihna nena khung hran theih an ni ang.