(No.3130/2019-2020)
WHO chuan Novel Coronavirus (COVID-19) chu khawvel puma darh tawhah a puang a, ram 163 zetah a vei hmuhchhuah tawh a ni. Khawvelin a rang thei ang bera hma a lak a tul tawh avangin Mizoram Sawrkar pawhin he natna laka invenna leh a veite hmuhchhuah zung zung theihna turin hma a la a. February, 2020 atang khan Lengpui Airport leh ramri-ah zin mite chu he natna an vei leh vei loh endik thin a ni. He COVID-19 lo darh zel tur ven a nih theih nan sawrkarin mipui himna tura thu a chhuah te zawm vek turin mipuite a ngen a ni.
Mi tinten kan khuh (cough)-in kan kiu/ban thlepin kan ka kan hup tur a ni a, tui leh sahbawnin fai takin kut kan sil fo tur a ni. COVID-19 vei awmna ram/state atanga lo haw te chu an lo thlen ni atangin ni 14 tal, mahni inah emaw sawrkar hmun ruat bikah khunghran (quarantine) tur an ni. Hei hi natna neilote pawhin an zawm ngei tur a ni.
COVID-19 chungchanga hriat duh nei te leh khawsik, khuh leh thawhah nei te chuan Helpline no. 102(toll free), 0389 2323336, 0389 2318336 -ah phone tur a ni.
Status of State Surveillance of COVID-19
Sl No | Category | Vawiin 17/3/2020 dinhmun | Endik tirh atanga vawiin thlenga dinhmun belhkhawm |
1 | Endik tawh zat | 4465 | 38039 |
2 | Mahni ina khunghran (home quarantine) tawh zat | 7 | 153 |
3 | Damdawi ina khunghran (isolate) tawh zat | Nil | NIL |
4 | COVID-19 test-na atana sample lakkhawm tawh zat | 1 | 7 |
5 | Sample endik tawh positive zat | NIL | NIL |
6 | He natna avanga damdawi ina admit zat | NIL | NIL |
7 | He natna avanga thi zat | NIL | NIL |
