19/2022-2023
Serchhip, the 2nd April, 2022: Mizoram Sorkar chuan COVID-19 hri leng mek dinhmun thlir chung leh eizawnna leh mihring nunphung nghawng nasa lo zawnga inkaihhruaina siamin Order No. B. 13021/101/2020-DMR/Vol-VII : Dt.31.03.2022 hmangin inkaihhruaina a chhuah a. Serchhip District pawh COVID-19 hri kai kan lo tlak hniam ve zel avangin Mizoram Sorkar thuchhuah zul zui hian Pi Nazuk Kumar, Chairman, Serchhip District Disaster Management Authority leh Serchhip District Bawrhsap ni bawk chuan a hnuaia inkaihhruaina tarlante hi he thupek chhuah ni atanga thu leh awm hma atan Serchhip District chhunga hman turin a chhuah.
A. Serchhip District chhunga hman tur Inkaihruaina
1. Hemi hun chhúng hian ṭul lova pawn chhuah leh inlen pawh loh hram ni se.
2. School leh zirna in dangte
1) School leh hostel te chu academic session thar, ni 5 April, 2022 aṭangin an hawng thei ang.
2) School leh Hostel chhunga hman tur School Department-in Standard Operating Procedure (SOP) a chhuah chu ṭha taka zawm tur a ni a.
3) Anganwadi leh Creche Centre te hawn theih a ni ang a, Social Welfare Department-in Standard Operating Procedure (SOP) a chhuah chu tha taka zawm tur a ni.
3. Higher Education Institutions
1) Higher Education Institutions (Universities, Colleges, Technical & Professional Institutions)-a Final semester zirlaite tan class leh hostel hawn phal a ni.
2) Higher Education Institutions (Universities, Colleges, Technical & Professional Institutions)-a Practical Subject student (UG&PG) te tan practical class leh hostel te chu April ni 1, 2022 aṭangin hawn phal a ni.
3) Semester zawng zawng chu Higher & Technical Education Department ruahmannain CAB uluk taka zawm chungin, academic Session July, 2022 a tan tur atangin offline class a hawn phal a ni ang. Hemi atana hman tur SOP chu Higher & Technical Education Department-in a ruahman ang.
4. Sakhaw Biak In leh Inkhawm
1) Kohhran Inkhawm pangngai chhun leh zanah neih phal a ni a, zing inkhawm pawh phal a ni.
2) Chhun leh zanah inkhawmpui neih phal a ni. CAB uluk taka zawm ni se. Kohhran leh VLTF ten CAB/SOP Implementation Committee an din ang.
3) Deputy Commissioner, Serchhip District thurawn ngaichang chungin, Kohhran te chu an veng/khua theuh va Covid- 19 hrileng dinhmun ngun taka thlithlai reng turin beisei an ni.
4) Inkhawmna leh Inkhawmpuiah te hian ruai buatsaih loh ni thei se.
5. Inneih inkhawm leh Mitthi Vuina Inkhawm neihna hmun inchhung (indoor)-a leng zat chanve (50% seating capacity) aia tam lovin phal a ni a, a theih chin chinah ei leh in sem loh ni se.
6. Sports inelna, tournament, adt. Sports inelna, tournament, adt. (indoor & outdoor) te chu phal a ni a, indoor bikah chuan entu mipuite chu infiamna hmun-a leng zat chanve (50% seating capacity) aia tam lova punkhawm phal a ni.
7. Mipui punkhawm National/ State/ District level programme pawimawh, Mipui punkhawm- anniversary, birthday, adt. chu a hmun inchhung (indoor)-a leng zat chanve (50% capacity) ṭum khata punkhawm phal a ni.
8. Office hrang hrang:
1) Mizoram Sawrkar Office hnathawkte chu dan pangngaiin office an kai ang.
2) Mizoram Legislative Assembly Secretariat chuan an kal dan tur an ruahman ang.
3) Central Sawrkar office te leh Central PSU te chu Central Sawrkar thuchhuak angin an kal ang.
4) Kohhran/sakhaw hrang hrang office leh Private company/office –
5) Consultancy services, adt. hnuaia hnathawkte chu dan pangngaiin office an kai ang.
9. Activity dang zawng chu CAB khauh taka kengkawh chungin phal vek a ni.
B. THIL PAWIMAWH DANGTE
1. Vaccination Mipui vantlang kan lo him zawk nan COVID-19 vaccine la la lo zawng zawng (target group)-te chu Sawrkar-in a thlawna vaccine lakna a ruatah te a hma thei ang bera vaccine la tura ngen leh beisei an ni.
2. Zin veivah chungchang Zin veivah chungchanga inkaihhruaina te chu Health & Family Welfare Department, Government of Mizoram-in thuchhuah thar a siam ṭhin dungzuia kalpui zel tur a ni.
3. Veng/Khaw Bil Inkhuahkhirhna
1) VLTF ten he Order-ina inkhuahkhirhna a siam bak pelin anmahni thuin veng/ khaw bil inkhuahkhirhna hranpa curfew/lockdown/Containment Area/Restricted Area an puang tur a ni lo.
2) He order/inkaihhruaina-in a huam baka veng/khaw bil bik tana inkhuahkhirhna khauh zawk neih tul tihna a awm chuan, a chhan leh vang chiang taka ziakin VLTF ten Deputy
Commissioner, Serchhip District hnenah rawtna an siam thei ang.
3) Kawngpuiin a paltlang khua/veng ten an khaw/veng kaltlanga khaw/veng danga kal tur zin veivak te leh an lirthei an dang tur a ni lo.
4. Emergency contact number Tu pawhin harsatna an tawh thulhah State Control Room
(Toll free 1070, landline 0389-2342520, mobile 7628072785 leh whatsapp 9366331931) leh COVID19 (Medical) helpline number (Toll free 102, landline 0389-2323336, 0389- 2322336 leh 0389-2318336)-ah telephone-in an harsatnate an thlen thei ang.
C. CAB KENKAWH CHUNGCHANG
1. Covid-19 hri laka kan himna tur atan mitin hian tih tur pawimawh tak kan nei ṭheuh a. Chung tih tur leh zawm tur COVID Appropriate Behaviour (CAB) te chu Annexure-ah tarlan a ni a, mitinin zawm ṭheuh tur a ni.
2. Sakhaw biak in, inneih inkhawmna hmun, mitthi vuina, sports inelna leh mipui punkhawmna hmun dangah te a bik takin hmuihmai tuam hi zaiho leh mi zinga thusawi changin ṭha taka zawm tur a ni.
3. Mipui punkhawmna hmun, sakhaw biakna hmun leh puipunna dangahte chuan ṭha taka ‘Social distancing’ zawm tur a ni.
4. Activity hrang hrangahte hian hrileng laka kan him nan a mawhphurtu ten CAB/SOP uluk taka zawm a nih theih nan hma an la ang.
5. Office, dawr, hnathawhna hmun leh a chhehvel tihthianghlim leh faina kawngah a hmun enkawltu, thuneitu leh dawr neitu ten mawh an phur ang. Beauty parlour, spa, gym leh lu mehna dawr (Hair cutting salons/ Barber shops)-te hmanrua leh bungraw hman ngun bikte chu uluk taka tihthianghlim (sanitize) reng tur a ni.
D. INKHUAHKHIRHNA LEH HREMNA CHUNGCHANG
He thupek zawm lote chu Disaster Management Act, 2005, Section 51 aṭanga 60 leh the Mizoram (Containment & Prevention of the spread of COVID-19) Act, 2020 leh IPC Section 188 hmangin hrem theih an ni.
