No.217/2021-2022

Dated Khawzawl, the 21st APRIL, 2021: Deputy Commissioner & Chairman, District Level Task Force on Covid-19, Khawzawl District, Pu Zothanmawia chuan vawiin khan Mizoram Sawrkar, Disaster Management & Rehabilitation Department order No.B.13021/101/2020-DMR/Vol-III dated 19.04.2021 bawhzuina atana thu chhuah a lo siam tawh office order No.J.12019/17/2021-DC(KZL)/VOL-X dated 20.04.2021 chhunzawm nan, Covid-19 hrileng laka mipuite him theihna turin a hnuaia kaihhruaina tarlante hi Khawzawl District headquarters chhunga zawm ngei ngei turin thupek a chhuah.

I. Mipui vantlang tana inkhuahkhirhna hriat turte:

1. Phalna nei lovin tumahin mahni in/compound an chhuahsan tur a ni lo. Zin veivak, Khawzawl-a lut leh Khawzawl atanga chhuak turte pawhin an chhuah tanna veng/khua VLTF/LLTF te lehkha an nei ang a, chu lehkhaah chuan an kal tanna (origin) leh zinna/kalna tur hmun (destination), ni leh darkarte a chuang tur a ni. Hei hian point V a inkhuahkhirhnain a huam loh tarlante chu a huam tel lo ang.

2. Lirthei hmanga veivah khap tlat a ni a. Hei hian point V a tarlante veivahna a huam lo ang.

3. Pawn chhuak tur reng reng chuan face mask leh hmanraw dang hmangin hmai an tuam ngei ngei tur a ni.

4. Vantlang hmuna kalte chu feet 6 tala inhlata awm tur a ni.

5. Village Level Task Force (VLTF) ten an huamchhunga dawr hawn an remtihsakte bak chu dawr hawn phal a ni lo. Phalna neia dawr hawnte pawh tlai dar 5:00 ah khar vek tur a ni.

II. Bazar leh chawhmeh zawrhna chungchang:

Hmun khata mipui pungkhawm tur venna'n bazar-a thlai leh thildang zawrh chu khap a ni. Chutihrualin, mipui mimirin awlsam taka thlai leh chawhmeh an hmuh theih nan veng hrang hrangah leh hmun tam zawkah chawhmeh lei theihna tur VLTF ten ruahmanna an siam ang.

III. Zirna in, Sakhaw Biakna hmun leh mipui punkhawmna hmunte:

1. Mizoram sawrkar, DM&R Department order-ah Public park, picnic spot, movie theatre, gym, community hall, restaurant, shopping complex, mall leh intawllenna hmun zawng zawng chu khar tur a ni. Mualvawm Park leh Khawzawl Town area-a intawllenna hmun dangte chu tlawh phal a ni lo.

2. Zirna In leh Sakhaw biakna hmun te chu khar vek tur a ni.

3. Chhiatni/thatni ah mi 30 (sawmthum) aia tam punkhawm phal a ni lo a, heng punkhawmnaah hian ei leh in sem/siam phal a ni lo. Hemi chungchang hi VLTF ten an lo kengkawh ang.

4. Mipui punkhawmna heng birthday leh anniversary lawmna, games & sports, book release, lungphun leh intihhlimna ang chi reng rengte chu huaihawt phal a ni lo. Hall chhung leh pawna badminton leh infiamna dang khelhhote pawh phal loh a ni.

IV. VLTF te mawhphurhna:

A hnuai a tarlante hi VLTF te remruatna-in kalpui theih a ni ang:

1. Nitin mamawh leh eichawp, thlai leh thei, pangpar, sa leh sangha zawrhna.

2. Bungraw phur motor mamawh, oil leh spare parts zawrhna dawr leh loh theih loh thila hawn ngai hetiang motor siamna bik workshop/ puncture works hawn.

3. Cold storage leh warehousing (bungraw chhek khawlna godown) service.

4. Data leh call centre.

5. Hmasawnna hna peng hrang hrang thawhna atana bungraw mamawh - steel, cement, brick, balu, insakna bungrua ilo zawrhna dawr.

6. Mi panga aia tam lo thawhna carpentry workshop, steel fabrication workshop, bakery, tailoring, weaving leh hetiang lam thil thawhna.

7. Bazar leh chawhmeh zawrhna chungchang (Point no. Il a tarlan angin)

8. Chhiatni/thatni ah Covid-19 chungchanga inkaihhruaina zawm a nih leh nih loh enfiah.

9. He order leh Mizoram sawrkar, DM&R Department order No.B.13021/101/2020-DMR/Vol-III dated 19.04.2021 in a tarlan loh, Covid-19 hrileng dona kawnga hmalak ngaihnaahte chuan Zonal Officer leh Deputy Commissioner-te nen inrawn chungin ruahmanna an siam thin ang.

V. Inkhuahkhirhnain a huam lohte:

1. Hospital, nursing home, clinic, laboratory, COVID-19 vaccination leh immunization programme dangte, OST centre, ART centre, ambulance service, blood bank leh damdawi dawr.

2. Veterinary hospital, dispensary, clinic, zoo, hatchery leh vaccination.

3. Agriculture, horticulture, sericulture, animal husbandry leh fisheries hna leh a kaihhnawih thlai chi, leitha, ranchaw leh hmanraw dawrte.

4. Bank, insurance, ATM leh postal service, blood donation camp/ service.

5. Kohhran office kal leh kohhran hotute programme pawimawh.

6. Power & electricity, water supply (mimal tui chawi te huamin), sanitation

& solid waste management (hmunphiat leh bawlhhlawh paih te huamin), telecommunication, internet service, broadcasting leh cable service.

7. Petrol/Diesel filling station, LPG.

8. Fair Price Shop/ ration dawr.

9. Nau pai, nausen pawmlai leh naupangte hnena nutrition (chaw tha) sem.

10. Bawnghnute sem leh lakkhawm.

11. MGNREGS, MPLADS leh MLALADS hnuaia hnathawh.

12. Print leh electronic media, leh chanchinbu sem.

13. Bungraw load leh unload hna.

14. Private security service.

15. Courier service, e-Commerce leh home delivery service.

16. COVID-19 duty-te hman taxi leh rental motor-te.

17. Medical emergency leh chhiat tawh thila awmna veng VLTF/LLTF te hriatpuina lehkha nena chhuah.

18. VLTF lehkha neia zin veivakte.

19. Sawrkar office heng Health & Family Welfare Department, Police, Home Guards, Civil Defense, Fire & Emergency Services, Disaster Management, District Administration, Civil Aviation, Prisons, Excise & Narcotics, Forest Field Works, PHE, I&PR, P&E, District Office leh field office danga thawkte.

20. Central Government Office leh Organization.

21. Hmasawn nana hnathawh tul - retaining wall/ drain/ kawng siam, building sak, kawng laih, leidawhte leh chutiang kawnga hmalaknate chu thawh chhunzawm phal a ni. Heng hnate hi ram chhunga awm sa labour-te chauh ruai a thawh tur a ni.

22. Lo neitu leh huan neitute, ran vulhtute, sangha dil neitute leh a thawktute chu he inkhuahkhirhna hian a huam lo ang. Mahse hmun khata mi 5 (panga) aia tam awmkhawm erawh chu khap a ni.

23. Electrician, plumber, mechanic, thing leh cement mistiri leh helper-te chu an hnathawhna VLTF te hriatpuina in thawh phalsak an ni.

24. Quarry a lung lak, block/brick siam, rawra her leh chhut leh thingzai khawl (saw mill) a thingzai theih a ni.

Heng khuahkhirhnate hian April ni 26, 2021 zing dar 4:00 thleng a huam dawn a, khauh taka kengkawh turin veng tina VLTF te bakah Zone hrang hranga Covid-19 Executive Duty Team-te hriattir an ni.