Hripui Novel Coronavirus (Covid-19) in Khawvel a run mek a, mi thahnem takin nunna an chan phah tawh avangin. He natna laka Khawzawl District mipuite an him theih nan Pu H.Lianzela, District Magistrate, Khawzawl District chuan Sec 144 CrPC, 1973 (Act II of 1973) in thuneihna a pek angin a hnuaia khapna thupek hi a chhuah :
1. Khawzawl District huamchhungah VC tin ten Gram Sabha/Vantlang Inkhawm koh rih loh tur a ni.
2. Ram pawn/State pawn atanga lo haw reng rengte chu Village Level Task Force(VLTF) hnenah in report ngei ngei tur a ni. VLTF ten Nodal Officer, District Level Task Force (DLTF) emaw Khawzawl District chhunga Medical Officer-te hnenah a rang thei ang berin an report chhawng tur a ni.
3. Khawzawl District huamchhungah heng nitin kan mamawh buhfai leh thildang - Essential Commodities (Mask leh Hand Sanitizer tel in) leh package commodities te hi a man pangngai bak leh MRP baka ti to lo tur leh chheprelh/manto uchuaka hralh loh tur a ni a, a leitute pawn mahni chhungkua mamawh bak an chheprelhin an lei khawl tur a ni lo.
4. Hrileng boruakin ziaawm lam a pan hma chuan eng pawl leh tupawhin puipunna lam chi reng reng programme an huaihawt tur a ni lo, loh theih loh a kalkhawm a ngai a nih pawhin mi 20 aia tam punkhawm loh tur a ni.
5. District pawn a lokal sumdawng veívak thinte tihtawp vek tur a ni a, Khawzawl District atangin an chhuak vek tur a ni.
6. Khawzawl Bazar Pui - Vengthar Bazar, Zuchhip Bazar, Zaingen Bazar leh Dinthar Bazar te chu Inrinni Ni 21.03.2020 atanga khar tur a ni a, Sa/chawhmeh zuar ten anmahni veng theuhah an zuar ang. Veng chhunga an inzawrhnaah chuan an inkarah metre 3 aia tlem lo kar awl a awm ngei tur a ni, Khawzawl khawpui ang tho hian khawpui/khawdangah pawh kalpui tur a ni.
7. Department Office tin in Office luh dawn gate/kawngka-ah kut silna siam theuh tur a ni a, Dettol sahbawn leh tissue paper an dah anga, kut hrukna tur puan erawh chu dah telloh tur a ni.Mipui dawrna/bill pekna office counter a thu staff zawng zawng ten mask leh glove vuah/bun vek tur a ni.
8. Khawzawl District huam chhunga Hotel leh Restaurant zawng zawngah kut silna mumal tak Dettol sahbawn leh tissue paper nen dah vek tur a ni.
9. Khawzawl District pawn atang lokal Sumo Driver te chuan an passenger te Khawzawl District a chhuk turte chu Khawzawl District an rawn luh hma ngeiin Bio-Data an la zel anga, Report na form siam leh report-na hmun tur Police Department in an siam-ah an report ang.
10. India ram pawn atanga lokal Kuhva phur motor-te chu National Highway-6 nilo Khawzawl District chhung Motor kawng danga an tlan leh inhlanchhawn an thil phurh Khawzawl District chhunga an (transit) emaw hlan/hlanthlak (loading/unloading) emaw khap a ni a, Khawzawl District mipuite chuKuhva phur motor kaihhnawihah an inhlawh tur a ni lo.
He thupek zawm lo tu chu IPC Sec. 188 hmangin hrem theih an ni ang.
He thupek hian chhuah a nih atanga thlahnih (2) chhung a huam ang.
He thupek hi Vawiin ni 20th March, 2020 hian District Magistrate Seal chhu a nemnghetinin ka hming ka ziah hnan e.
