Tourism Department chuan COVID-19 laka mipuite kan him zawk nan, Hotel leh Restaurant kaihhruaina a hnuaia mi ang hian a siam a, thuleh awm hma chuan he kaihhruaina hi zawm tur a ni.

1.      Hotel leh restaurant luh dawnah kut silna, tui thianghlim, leh sabawn/handwash dah vek tur a ni. Hotel leh restaurant dawrtu zawng zawng ten luh hma in kut an sil tur a ni.

2.      Reception-ah Hand Sanitizer (60% alcohol chunglam) dah tur a ni a, toothpick leh mouth fresheners an chhawp tur a ni lo.

3.      Hotel chhung leh bungrua zawng zawng fai takin enkawl tur a ni a, hunbi neiin an tifai thin tur a ni. Kawngka hawnna (door knob), elevator buttons, inthiarna fai te pawh ngun takin nikhatah a tam thei ang ber an ti fai thin tur  a ni.

4.      Hotel leh restaurant-ah dawhkan leh thuthleng zawng zawng meter khat a hla-ah dah tur a ni.

5.      Bungrua fai takah eitur an dah tur a ni. Mamawh dan a zirin Chutneys/ketchups/condiments/water jugs/glasses leh napkin an dah tur a ni a, hengte hi dawhkanah hun rei tak dah loh tur a ni.

6.      Hotel leh restaurant neitu leh nghaktu ten anmahni dawrtu khawsik, khuh leh thawk lama harsatna nei te an awm leh awm loh an ngaihven tur  a ni.

7.      Hotel leh restaurant staff ten hmai khuhna (mask) leh kut kawr (glove) an hnathawh chhungin an hmang tur  a ni.

8.      Hotel-a thleng thar zawng zawngin Hotel staff hriatpuina in Self Report Form an fill up tur a ni a, Tourism Department-ah soft copy in Whatsapp number 6009728238 or email- Mizoram.tourism@gmail.com ah submit tur a ni.

9.      A chunga kaihhruaina zawm lo emaw ngai pawimawh lo te chu dan anga hrem an ni ang.