No.3226/2019-2020

Aizawl the 23rd March 2020 : Vawiina Secretary rual meeting Chief Secretary Pu Lalnunmawia Chaungo hova Chief Secretary Conference Hall a neihah COVID - 19 chungchang thlir hovin he natna hrilengin Mizoram a rawn luh lohna tura hmalakna hrang hrangte an thlir ho.

I) An thurel zingah tuna Guwahati atanga Mizoram pana lo chho mek Passenger Bus in a phurh mi 57 te chu Vairengte khua ah Quarantine facility ah dahin ni 14 chhung dah an ni ang a. Amaherawh chu hmun hma ten a zawh loh chuan Kolasib District chhunga Quarantine facility khawi hmunah pawh dah an ni dawn a ni.

II) Lengpui Airport a khualzin lo thlengte pawh lo endik leh an ni ang a. Foreign country atanga lo lut te leh COVID - 19 hluarna hmun Maharastra, Kerela, Delhi, Uttar Pradesh, Karnataka, Rajasthan leh Punjab atanga lo kal te an awm a nih chuan Medical lam mithiam ten uluk takin an endik ang a. Lengpui Quarantine facility ah dah nghal an ni ang. Chumi hnuah an awmna veng theuha Local Task Force ten lo check nawn leh in Home Quarantine ti thei an nih leh nih loh an lo enfel pui dawn a ni.