No.3225/2019-2020

A hmasa in Tuichang Bial mipui zawng zawng te chibai ka buk a che u. Kan hriat theuh angin tunlai hian khawvel pumah natna hri thalo leh hlauhawm tak, Coronavirus Disease (Covid-19) chu a leng mek a. Tam takin he natna avang hian enkawl mek an ni a, tam takin nunna an chan bawk a. He natna hrik hi a kai tak pawh hriat a har avangin fimkhur pawh a ngai hle a. Khawvel hmundang leh lndia rama Sorkar ten hma an lak angin Mizoram Sorkar pawhin theihtawp in hma a la mek zel a. Tun dinhmun ah Mizoram ah mi 58930 endik/screen tawh an ni a, rinhlelh sample test tawh mi 11 chu an la negative vek a. He natna vei hi an la awmlo a ngaih a ni a. Inven fimkhur tluk a awmloh avangin Mizoram Sorkar pawh in Partial Lockdown a kalpui bakah District Magistrate tin ten mipui punkhawm an khap a. Hetih rual hian mipui mamawh zual bik te chatlak lova a awm theih nan Sorkar in hma a lak bakah Damdawi in enkawlna lamah pawh nasa takin hma a la mek zel a. Hriat theih chinah a tul ang zawng zavmg ah Mizoram Sorkar hi a in buatsaih a ni.

Sawi tawh angin he natna hri hi tu berin nge kai tih a hriatloh avangin Bial mipui te pawh lo chi ai lo turin ka chah duh che u a. Social Media a thuthang diklo leh thu belhchian dawllo lakah inthiarfihlim ila. A thehdarhtu nilo bawk turin kan in chah a. Sorkar thuchhuak chauh ngaichang tur leh thuawih taka awm turin kan in chah a. Bial mipui zawng zawng te mahni in lama tawmim tura kan inchah bakah Pathian hnenah venhimna in dilsak tawn ila, kan tanrual a Sorkar thu kan awih chuan nasa takin he natna darh tur pawh hi kan in veng thei dawn a ni. DC leh Dan leh Thupek kengkawh tute, Kohhran leh tlawmngai Pawl te thu ngaichang ila. Ei leh bar leh damlohna chungchanga kn bial mipui te tanpui ngai kan awm a nih chuan engtik lai pawhin tanpui che u ka in huam a. Mahni khua/veng theuh Local Task Force emaw DC kaltlang in min hriattir zel turin kn ngen che u a. Thlamuang taka awm turin Tuichang bial mipui te ka chah duh che u a ni.