No.7488/2020-2021
Aizawl District chhunga mipui te COVID-19 hri leng laka kan him zel nan inhriattirna:
Mizoram Sorkar chuan hripui leng hnuaia kan kalphung tur te duang tharin, inkhuahkhirhna thenkhat a phelh dul a. Hei hi COVID-19 hri hi a hlauhawm nep ta tihna a ni lo va. He hri laka him tura kalphung dik inzirtirnan No-Tolerance Drive neih a nih hnuah COVID-19 hrileng kara inven fimkhur nachang mipuiin kan hriat tawh beiseiin, inveng fimkhur tak chunga nunphung pangngai kan neih chhunzawm leh hi a tul avangin Sorkar hian inkhuahkhirhna rip zual a phelh dul mai a ni a.
Tunah hian a hma aiin he hri laka kan him nana mi tin te mawhphurhna hi a tam zawk tawh tih hriat theuh tur a ni.
Chuvangin, COVID-19 hri laka kan him tlan zelnan hengte hi uluk taka zawm zui zel tur a ni:
1. Vantlang hmun leh mi dangte bula awm laia mask vuah, chil chhak loh leh social distancing vawn uluk tur tih te
2. Office leh Dawr leh mipui punkhawmna programme neihna apianga Sanitiser chhawp/ hman leh, a tlawhtu (Visitor) te hming leh mobile number ziah (Visitors' Register vawn) zel tur tih te
3. Sorkar Order zawm chung zel chauhva mipui punkhawmna programme huaihawt tur tih te
4. COVID-19 hri vei niawma inringhlel chuan Health Department mite hnena in report nghal zel tur tih te
5. Swab Sample lak leh test a nihin, negative result nei tih inhre hmasa lo chuan chhuahvah hauh loh tur tihte leh
COVID-19 kaihhnawiha Sorkar thupék awm apiang te.
A chunga tar lan te leh Mizoram (Containment and Prevention of the Spread of COVID-19) Act, 2020 dan te hi he danin thuneihna a pek te'n mahni bial chhungah kenkawha, fimkhur tura mipui te zirtir zui zel tur a ni e.
