No.7489/2020-2021

Parliament Session neih mekah vawiin khan Mizoram Rajya Sabha MP Pu K.Vanlalvena chuan ZERO HOUR ah thu sawiin Zokhawthara Indo-Myanmar Border Trade Centre khar chungchang leh a kaihhnawih thil thlengte a sawi a.
Pu Vena chuan Corona Virus hripui leng avangin Zokhawthara Indo-Myanmar Border Trade Centre chu nikum April thla atanga khar a nih thu a sawi a.Hetih lai hian sumdawngmi thenkhat ten sawrkar hriatpui lohvin hmun 7 velah ramri kaltlangin motor kawng an siam thu a tarlang a. Heng kawng laih thar kaltlang hian ramdang bungraw țhahnem tak dân lovin Mizoramah a lut a. Heng te hian sawrkar hnenah eng chhiah mah an chawi loh thu a sawi a.
Sawrkar hriatpui lohva heng kawng laihchawpte hi dan lova sumdawnna(smuggling) kawngpui hlunah a la chan mai a hlauh thawn thu sawiin Pu Vena chuan hun lo kal zel turah harsatna lian zawk thleng thei pumpelh nan a rang thei ang bera Zokhawthar Border Trade chu hawn chhunzawm a nih theih nan Central sawrkar chu a țul ang te bawhzui a, hma la thuai turin a ngen a ni.

Attachment

  • Loading attachment...