No.2066/2021-2022

Aizawl, the 31th August, 2021: Vawiin zing dar 11.30 - 3:00 pm khan Covid-19 chungchanga sawiho ngaite sawihoin Covid-19 Medical Operational Team chu an Chairman Dr ZR Thiamsanga MLA hoin an thu khawm.

He meeting kaihruaitu Dr. ZR Thiamsanga Chairman, MOT chuan Covid-19 hri leng mek do kawng a thawktute leh tlawmngai pawl hrang hrang te inpekna chu ropui a tih thu leh tha thlah lova theihtawp chhuah zui zel a tul thu te a sawi a. MOT chairman chuan mipuite pawh Covid-19 laka kan himna tur sawrkarin dan a zam te zawm hram hram turin a sawm bawk a ni.

Meeting hian Covid-19 darh zel chungchanga hmalakna tur te, Mass testing leh Covid enkawlna chungchang te bakah thil tam tak an sawiho a. Aizawl khawchhung leh ramri leh hmun danga Covid 19 case tamna hmunte tlawh a, an harsatnate enpui an tum bawk.

Meeting-ah hian MOT member bakah State Nodal Officer, IDSP Dr. Pachuau Malsawma leh State Containment Zone i/c Dr. Lalremmawii te an tel a ni.