No.356/2020-2021

Vawiin ni 15 April 2020 khan COVID-19 Medical Operational Team chuan Mizoram chhung hmun pawimawh lai leh ramri dep tlawh chhuah programme an lo duan tawh chu tanin, Team I leader leh he COVID-19 Medical Operational Team Chairman ni bawk Dr ZR Thiamsanga MLA leh Team I member te chuan Kawlkulh PHC tlawhin, PHC Medical Officer leh Village Level Task Force te nen inkawm hona hun tha tak annei.

Meeting ah hian Dr ZR Thiamsanga chuan sawrkar hmalakna leh mipuite thuawihna zarah COVID-19 hrileng chuan zual lam pan lovin, tun dinhmunah kai hmuh chhuah belh anla nih loh avanga a lawm thu sawiin, Mizoram mipui thingtlang leh khawpui mi ten sawrkar thuchhuak te an zawm that zel chuan beisei na sang tak a neih thu a sawi .

He meeting ah hian Dr Malsawm Tluanga chuan hripui do nana Kawlkulh PHC inbuatsaih dan sawiin, Kawlkulh PHC Staff te chu Sub Committe peng hrang 12 ah in thenin, mawhphurhna hrang hrang siam anni a. PHC ah hian ni 14.04 2020 thlengin COVID-19 screening mi 126 neih tawh niin, Home quarantine tawh chu 35 annih thu a sawi bawk. Kawlkulh huam chhungah hian rinhlelh kai leh khung hran ngai emaw Zoram Medical College a refer ngai an la awm rih lo a ni. Kawlkulh PHC huam chhungah quarantine na hmun pahnih Govt Comprehensive Middle School leh Kawlkulh Higher Secondary school te an tlawh bawk.

COVID-19 Medical Operational Team te hi team IV ah inthenin, Mizoram an tuam chhuak dawn a. Team I hi Dr. ZR Thiamsanga MLA chuan hovin Dr. Lalrintluanga Jahau leh Dr. C Lalsangzuala te chu Member anni a. Naktukah Team I te hian Champhai, Hnahlan leh Zokhawthar an tlawh leh ang.

Attachment

  • Loading attachment...