No.1208/2020-2020

COVID-19 Medical Operational Team te chuan an Chairman Dr. ZR Thiamsanga MLA hova ni 15 May 2020 a an thurel bawhzuiin khawpui chhung a quarantine centre thlan bik- Synod Revival Camping Centre Sihphir Neihbawih, ICFAI University Durtlang North leh SAI Hostel Mission Vengthlang te chu Quarantine Management Unit Health and Family Welfare, Mizoram te nen an tlawh.

Heng team hnih inkawp te hian quarantine facilities a awm theih leh theih loh te, Ministry of Home Affairs duh dan ang thil kalpui theih anih leh nih loh te, darkar 24 chhung electric eng a awm that leh that loh te, tui thianghlim bakah hnianghnar a tui a awm theih dan tur te, khum feet thum danah a awm theih leh theih loh te, khung hran ho tan a him leh him loh bakah ei leh in pek danah a him dan ber tur te, sample collection tha taka tih theih anih leh nih loh te bakah MHA duh dan ang a thil kalpui zel a tul thu an sawi bawk.

He hunah hian Quarantine Management Unit lam bakah COVID-19 Medical Operational Team lam atangin Dr. Joel L. Pautu, Dr. Lalrinawma Hnamte, Dr. Joseph Lalhmingliana, Dr. Lalrintluanga Jahau leh Dr. Malsawmtluangi Ralte te an tel a ni.