No.425/2020-2021

Vawiin ni18.5.2020 hian COVID-19 Medical Operational Team-te chuan an Chairman Dr. ZR Thiamsanga, MLA hovin Mizoram Border area hmun hrang hrang an fan kual chhunzawm zel a. Zokhawthar aṭanga bul ṭanin  Hnahlan leh Mimbung an kal hnuah Khawkawn,NE Khawdungsei leh Ngopa khua te an tlawh.

Manipur-Mizoram inrina Tuivai lei a Police duty te tlawhin, an mamawh hrang hrang mask, tarpouline, glove leh sanitiser te an pe a. COVID-19 hripui laka Mizoram himna tura duty an nih avangin sorkarin anmahniah rinna thuk tak a neih thu leh theihtawpa kan State him nan hna thawk chhunzawm zel turin a chah a, MLA hi Pu Lallianzauva Sailo Khawkawn Village Task Force Committee Chairman in a tawiawm a ni.

Hemi hnu hian Team memberte hian PHC NE.Khawdunsei tlawh lehin Dr. Vanlalmuankima, MO in a lo dawng sawng a. MLA chuan hospital mamawh hrang hranga hnena an an lo thlen bawk a, an mamawh te hi sawrkar ah thlensak a tum thu a sawi bawk. Team member te hian COVID-19 vei an awm palh thulha chet lak dan tur hrang hrang te Khawdungsei PHC a thawktute hi an zirtir nghal bawk a ni.

Team member te hian Ngopa CHC tlawh lehin Dr. Freddy L.Chhangte leh a thawhpui te bakah Ngopa VLTF hruaituten an a lo dawng sawng a ni.

COVID-19 Medical Operational Team Chairman Dr Z.R.Thiamsanga, MLA hi COVID-19 medical operational team -1 member, Dr. C. Sangzuala leh Dr. Lalrintluanga Jahau te bakah Pu Vanlaltanpuia Ngopa SDO Civil, Pi  Lalhruaitluangi BDO Ngopa, Pu Lalrinzama, VCP & Chaiman Village Level Task Force, NE Khawdungsei leh Task force Member ten an ṭawiawm bawk a ni.