No.6523/2020-2021
Dated Champhai, the 12th November, 2020: Mizoram sawrkar chuan October Ni 26, 2020 atanga November Ni 9, 2020 chhunga Covid-19 No Tolerance Fortnight a kalpui chu hlawhtling lehzuala kalpui chhunzawm a nih theih nan Order No. B 13021/101/2O2O-DMR/VoI-II/Pt_II dt. 07.11.2020 kaltlangin November 30, 2020 thleng a pawtsei a. Khawzawl District chhungah pawh Covid-19 No Tolerance Drive November thla tawp thleng kalpui chhunzawm tura inkaihhruaina chu Khawzawl Bawrhsap Pu Zothanmawia, Chairperson, District Disaster Management Authority, Khawzawl District chuan a hnuaia mi ang hian a chhuah:
1. Khawzawl District chu Zone 13 ah then niin, Zone tinah Sawrkar hnathawk, police leh VLTF te awmna Covid-19 Executive Duty Team din a ni a. Executive Duty Team-te chu inkaihhruaina hman lai anga kal chhunzawm tur a ni ang.
2. No Tolerance Drive chhung hian The Mizoram (Containment and Prevention of the spread of Covid-19) Act, 2020 leh Covid-19 kaihhnawiha thupek hrang hrang bawhchhiate chu dan hmanga hrem theitute kaltlangin inngaihhnathiamna awm lovin hmun leh hmunah pawisa chawitir/hrem zel an ni ang.
3. Mizoram pawn atanga rawn lutte chu Health & Family Welfare Department in inkaihhruaina a siam anga Quarantine chhunzawm an ni ang.
4. Kan lo him tlan zawk theih nan Khawzawl Darngawn Veng-a Mualvawm Park leh a chhehvel chu tlai dar 5:00 atanga zing dar 4:30 inkar chhung tlawh khap a ni.
5. Mizoram sawrkarin November 7, 2020-a No Tolerance Drive Order a tihchhuah chu Khawzawl District-ah pawh hman tur a ni a. A langsar zualte chu a hnuaiah tarlan a ni:
i) District Magistrate, Khawzawl in order No.J.12017/1/2019-DC(KZL) dr. 01.10.2020 kaltlanga a tihchhuah tawh angin Khawzawl-ah phalna nei lova vantlang hmunah mi 5 (panga) aia tam awmkhawm khap a ni a. Tin, zan dar 8:00 leh zing dar 4:30 inkarah phalna neite tih loh chu pawnchhuah khap tlat a ni.
ii) Thu leh awm hma chu school, college, educational/coaching institute te chu khar chhunzawm a ni ang a, online hmangin zirtirna an kalpui thei ang. Zirtirtute rawn tura school-a kal pawh khap rih a ni ang.
iii) Sakhaw biakna hmunahte chuan mipui punkhawmna huaihawt phal a ni lo. Biak In a zing tawngtai erawh chu mi 25 aia tam lo tan neih phal a ni.
iv) Mipuiten a hmuna en theih tur games & sports tournament huaihawt phal a ni lo. Entu mipui punkhawmna tel lo games & sports practice erawh chu Indoor-ah mi 10 aia tam lo leh pawnah mi 25 aia tam punkhawm khap chungin neih phal a ni.
v) Cinema hall, auditorium, community hall, picnic spot, swimming pool leh hetiang intawllenna hmunte chu khar chhunzawm tur a ni.
vi) Mitthi vuina leh inneihna (man hlan, inneih inkhawm leh reception) ah te chuan mi 35 (sawmthum panga) aia tam punkhawm khap a ni a. Heng hmuna telte chhinchhiahna kimchang (hming, address, phone number leh kal hunt e) ziahna bu/register emaw Sulhnu mobile application hmanga chhinchhiahna a huaihawttu te'n an vawng tur a ni.
vii) Dawr zawng zawng chu (damdawi dawr tiam lovin) tlai dar 5:00 hma-in khar vek tur a ni.
