No.6356/2020-2021

Dated Champhai, the 26th October, 2020: Covid-19 hripui darh chak tak leh inkaichhawn zel tur chhut chah anih theihna tur leh mipui te’n Covid-19 avanga khuahkhirhna siamte zawma nunphunga an neih theihna tura ruahmanna Mizoram sawrkarin a duan Covid-19 No Tolerance Fortnight, vawiin October Ni 26 atanga tana November Ni 9, 2020 thleng awh tur chu vawiin atang khan Champhaiah khauh taka kalpui tan a ni. Hemi rual hian Covid-19 chungchanga himna tura inzirtirna Jan Andolan Campaign chu kalpui mek zel a ni bawk.

Champhaia Covid-19 No Tolerance Fortnight neih chhunga Covid-19 Executive Duty tur sawrkar department tin atanga thawktu za zela 30 ruatte chu Team hrang hrang 15 ah then niin an duty ni turte siamfel a ni a. Team tinah hian Member mi 40 zel an awma, duty-na hmun tura ruat 4 - Dawrkaikawn, Darthangvunga Point, DK Point leh Bethel Kawnahte inkhuarin duty-na hmun leh a chhehvel hmun hrang hrangte an fangkual thina, Duty-na hmun tinah hian Police 2 zel an tel a ni. Duty turte chu nitin zing dar 9 ah Champhai Police Station-ah kalkhawmin inhrilhhriatna nei hmasain an kalchhuak thin ang. Tin heng bakah hian Mobile Checking Team 3 siam a ni bawk.

Vawiin Covid-19 Executive Duty turte pual hian Champhai Police Station Conference Hall-ah ihrilhhriatna tawi buatsaih a ni a. He hun hi Pu Lalnunfela Chawngthu, SDO Sadar leh Pu C.Lalengliana, Addl SP te’n an neihpui a ni. Covid-19 Executive Duty-te hian The Mizoram (Containment and Prevention of Spread of Covid-19) Act, 2020 in mipuite zawm tura a duan leh sawrkar thupek chhuahte khauh takin an kengkawha, dan bawchhia mante chungah hremna lekkawh niin, challan felfai tak siamin pawisa chawi tur bituk zat an chawi tir zel a ni.