No.6357/2020-2021
A. Nodal Health Officer:
DEO/RO in Constituency tin tan Nodal Health Officer a ruat ang a, a khai khawm turin District Nodal Health Officer a ruat bawk ang. Heng Nodal Health Officer-te hian nitin an Constituency huam chhung report theuh District Nodal Health Officer hnenah pem, he Daily Repost hmang hian District Nodal Health Officer hian DEO/RO hi thu rawn a pe thin ang.
B. Election Campaign:
General Election to MDC under LADC, 2020 neih turah hian Public Meeting emaw, mipui pung khawm zawnga programme huaihawt phal a ni lo a, District Magistrate in Section 144 of CrPC tlawh chhan a mi panga aia tarn pun khawm a khap chu khauh taka zawm tur a ni.
COVID-19 darh loh nana fimkhur thuah General Election to MDC under LADC, 2020 Election Campaign chungchangah khuahkhirhna (restriction) siam a ni a. Election Campaign-ah candidate leh a zuitu mi dang pahnih aia tarn lote tan 'House to House' Campaign phal a ni a, veivahna atan lirthei (motor) pahnih aia tarn lo an hmang thei bawk ang. Mi mal compound leh in chhunga luh phalna erawh chu in neitute thu a ni.
C. Filing of nomination & Withdrawal of Candidature:
Filing of Nomination-ah hian in-Candidate tumte chu mi 2 (pahnih) in an tawiawm thei ang a, Lirthei pawh 2 (pahnih) aia tarn lo an hmang thei ang.
Filing of Nomination-a tel zawng zawng te hian Mask (hmui/hmai khuhna) an hmang ngei ngei tur a ni. Turn khatah pawl khat zelin Nomination File tur a ni a, Nomination File lai hian Social Distancing (6 feet) an zawm ngei ngei bawk tur a ni. Filing of Nomination neihna room luh dawnah kut an sil emaw, Hand Sanitizer an hmang ngei ngei tur a ni a, thutna pawh feet 6 tala inhlata thut tur a ni. Tum khatah mi pathum (Candidate leh amah tawiawmtu mi pahnih) aia tarn an lut tur a ni lo. Heng ruahmanna te hi Returning Officer in a keng kawh tur a ni.
D. Scrutiny of Nominations & Allotment of Symbols:
Scrutiny of Nominations leh Allotment of Symbols neihna tur hmun hi Hall zau tha tak DC/DEO/RO in a ruahman tur a ni a, Social Distancing (6 feet) zawm turin thutna pawh rem tur a ni. Eng hunah mah RO hi zim emaw a huho a bawr luih luih loh tur a ni.
Scrutiny of Nominations & Allotment of Symbols a tel zawng zawng te hian Mask (hmui/hmai khuhna) an hmang ngei ngei-tur a ni a. Tum khatah pawl khat zelin Scrutiny of nominations leh Allotment of Symbols hi tih tur a ni a, eng lai pawhin Social Distancing (6 feet) an zawm ngei ngei bawk tur a ni. Scrutiny of Nominations & Allotment of Symbols neihna room luh dawnah kut an sil emaw, Hand Sanitizer an hmang ngei ngei tur a ni a, thutna pawh feet 6 tala inhlata thut tur a ni. Candidate leh amah tawiawmtute hi pawl khat zelah mi pathum (Candidate leh amah tawiawmtu mi pahnih) aia tam an ni tur a ni lo. Heng ruahmanna te hi Returning Officer in a keng kawh tur a ni.
E. Poll Day:
(i)Polling Station -
Polling Station leh a chheh velah engtik lai pawhin Physical Distancing (6 feet) zawm reng tur a ni a, turn khatah mi 50 aia tam pun khawm loh tur a ni. NGO/MPF/Security/Medical Duty te pawhin Physical Distancing dan zawmin an duty tur a ni. Polling Station leh a chheh velah hian chil chhak phal a ni lo a, khuh dawn pawhin rawmawl hmanga hmui hup ngei ngei tur a ni. Tin, Polling Station leh a chheh vela awm reng rengin Mask vuah ngei bawk tur a ni.
(ii)Polling Booth/Voting Compartment -
Poll Day-ah hian Polling Booth/Voting Compartment te hi boruak lut leh chhuak tha thei turin tukverh te hawn tur a ni a, vote thlak turte intlarna tur 6 feet danah chiang taka chhinchhiah vek tur a ni. Polling Booth-ah te hian luh leh chhuahna hran fel taka siam tur a ni a, luhnaah hian Entry Register leh Hand Sanitizer chhawp tur a ni. Hetah hian Vote thlak tur reng rengin an hming leh mobile number an ziak lut tur a ni a, Mask vuah ngei ngei bawk tur a ni. Polling Officials te, Candidate te leh Election/Polling Agent zawng zawng te pawhin Mask an vuah bakah eng lai pawhin physical distancing (6 feet) an zawm reng tur a ni. Vote thlak tur reng rengin Polling Booth/Voting Compartment an luh dawnah Hand Sanitiser an hmang ngei tur a ni.
(iii) Voting by Senior Citizens & PWDs -
Kum 80 chung lam, PWD Voter leh nu, nausen pawm te hi mipui rualin vote an thlak ve mai ang a, amaherawhchu, mipui zingah intlartir loin Polling Station an thlen hun hunah Election Officials ten vote an lo thlak hmasaktir zel ang.
(iv) Poll Duration -
Poll Day-ah hian thawl zawk leh mipui vote thlak turte inhnawh tawt loh nan vote thlak theih hun chhung hi zing dar 7 atanga tlai dar 5 thleng a ni ang a, vote nei, vote thlak turte chuan tlai lam nghak kher loa mahni remchan ang zela vote hi thlak tur a ni. Heti hian vote thlak hun chhung hi darkar sawm a ni ang. Vote thlak tura thawk chhuak zawng zawng ten Physical Distancing an zawm ngeina kawnga tanpui turin Village Level Officer (VLO) te RO hian a hmang tangkai ang. Polling Station-a Security Duty leh Physical Distancing keng kawh tura duty te hi a hrang an ni tur a ni.
(v) NGO/MPF:
DEO/RO-in Kohhran leh tlawmngai pawl te tanpuina leh phungbawm a sawmin Poll Day-ah hian NGO/MPF/Kohhran kaihhruainain Polling Station tinah Common Election Camp pakhat neih tur a ni ang a, a kaihruaitu leh duty turte chu khawtlanga mi hming tha, fel leh rin tlak, party tinte'n an pawm tlante ruat tur an ni ang. Hei bak hi party angin emaw Election Camp neih phal a ni lo ang. Hei bakah hian, Physical Distancing kalpui leh zawm chuangchang pawh Security Personnel te nena tang kawpin NGO/MPF/Kohhran ten an keng kawh tura beisei a ni. Hemi chungchangah hian DEO/RO in a tul angin hma a la ang.
F. Counting of Votes:
Electronic Voting Machine (EVM) hman a ni dawn a, hei vang hian khauh taka Physical Distancing dan zawm chung zelin RO leh hemi hna thawk tura ruat bik Counting Officials-ten vote hi chhiar tur a ni a, Candidate leh an Agent te pawhin Physical Distancing zawm chung zelin Vote chhiarna-ah hian an awm thei ang a, Counting-a tel zawng zawngte'n Mask an vuah ngei tur a ni ang.
G. Hremna Dan:
He thupek zawm lo chu Disaster Management 8s Rehabilitation Act, 2005 hnuaia Section 51 atanga Section 60, The Mizoram (Containment & Prevention of COVID-19) Ordinance, 2020 hnuaia Section 5 leh IPC Section 188 hmangin hrem theih a ni.
