No.3553/2020-2020

Nimin July ni 28, 2020 khan ZMC laboratory-ah swab sample 104 test niin COVID-19 positive thar 11 hmuhbelh a ni a, sample 92 a negative. Negative zingah hian pre-positive test nawn 19 an tel a, pre-positive sample 1 erawh chu a la positive chhunzawm a ni.

ZMC laboratory-a COVID-19 positive thar hmuhbelh te hi Aizawl district ami mipa 10 leh Lawngtlai district ami hmeichhia 1 an ni a. Aizawl district a positive hmuh chhuah zingah hian BSF sipai 6 leh Mizoram Police 1 an tel a ni.

BSF positive hmuhchhuah tharte hi kum 22-59 inkar a upa, West Bengal, Uttarakhan, Uttar Pradesh leh Maharashtra atanga lo lut te an ni a, Mizoram Police positive 1 hi kum 55 a upa niin Nepal atanga lo haw a ni a, Aizawl alo thlen veleh a quantine facility a dahluh nghal a ni.

Civil mi 3 te hi kum 24-33 inkar, Manipur, Bihar leh Nepal atanga lo kir an ni.

Lawngtlai district a positive hmuhchhuah thar hi hmeichhia kum 37 a upa, Assam atanga lo lut niin Quarantine Facility a khunghran lai mek a ni.

COVID-19 positive hmuhchhuah tharte hi an vaiin Asymptomatic (symptoms neilo) vek an ni a. Quarantine Facility a khunghran mekte an ni.

Lunglei Civil Hospital a TrueNat laboratory-ah nimin vek khan sample 23 test niin a negative vek a. Heti hian Lunglei Civil Hospital TrueNAT Laboratory-a sample test zawng zawng hi 958 a tling tawh a ni.

Niminah tho khan Rapid Antigen Test hmangin Kolasib ah sample 23, Champhaiah sample 6 test a ni a, test result a negative vek bawk a ni.

*ZMC Laboratory-a District hrang hrang sample test zat (28th July, 2020)*

Aizawl - 34 (Mipa - 30, Hmeichhia - 4)
Lawngtlai - 27 (Mipa - 14, Hmeichhia - 13)
BSF (Aizawl) - 19 (Mipa vek)
ZMC-a thawk/damlo admit - 24 (Mipa - 10, Hmeichhia - 14)
*TOTAL - 104 (Mipa - 73 Hmeichhia - 31)*

Mizorama COVID 19 positive case hmuhchhuah tawh zawng zawng zat
Total cases - 395
Forces (BSF/AR/NDRF/Army/Police) - 183 (46.32%)
Civilians - 212 (53.67%)

Mizorama COVID-19 vei mek zat
Total Active cases - 197
Forces (BSF/AR/NDRF/Army/Police) - 154 (78.17%)
Civilians - 43 (21.82%)

Mizorama COVID-19 positive enkawl dam tawh zat
Total Cases - 198
Forces (BSF/AR/NDRF/Army/Police) - 29 (14.64%)
Civilians - 169 (85.35%)

COVID-19 recovery rate in Mizoram - 50.12%