No.3961/2020-2021  

Nimin August ni 9, 2020 chawhma dar 11:00 a report siam a nih hnu khan Rapid Antigen Test hmangin COVID-19 vei 7 hmuhbelh an ni a. Lunglei Civil Hospital TrueNAT laboratory-ah COVID-19 vei 5 hmuhchhuah thar ni bawkin, ZMC Laboratory-a RT-PCR khawl hmanga swab sample test 55 a negative vek thung.

Rapid Antigen Test atanga COVID-19 hmuhchhuah tharte hi Kolasib, Aizawl leh Champhai district a test te an ni.

Kolasib district ah COVID-19 positive thar 4 hmuhchhuah niin hnamdang mi truck driver leh handyman te an ni a. Mipa vek, kum 22-43 inkar, Uttar Pradesh, Tripura leh Assam atanga lo kalte an ni a, COVID-19 symptoms nei an awmlo a ni.

Aizawl district a COVID-19 positive hmuhchhuah tharte hi mipa ve ve kum 32 leh 35 a upa an ni a, pakhat hi frontline worker positive contact atanga kai niin, pakhat dang leh hi Myanmar atanga lo lut a ni a. COVID-19 symptoms an neilo ve ve.

Champhai district-a COVID-19 hmuhchhuah hi hmeichhia kum 40 a upa, Manipur atanga lo lut a ni a, COVID-19 symptoms an neilo.

Lunglei Civil Hospital TrueNAT PCR Laboratory-ah sample test 20 zinga positive 5 te hi 131 bn BSF vek an ni a, mipa kum 24 atanga 46 in kar, Multipurpose Hall Sazaikawn a quanrantine lai an ni a. July ni 24, 2020 khan Odisha, Punjab, Uttar Pradesh, Bihar leh Haryana atanga lo haw an ni. An vai hian COVID-19 symptoms an nei lo vek a ni.

Lunglei Civil Hospital TrueNAT laboratory-a sample test mi 20 te hi an vaiin BSF sipai vek an ni.

August ni 9, 202O a ZMC RT-PCR laboratory-a District hrang hrang sample test zat
 

Aizawl (Civilians) - 47 (Mipa - 34, Hmeichhia - 13)
Aizawl (BSF) - 8 (Mipa vek)
Total - 55 (Mipa - 42, Hmeichhia - 13)

August ni 9, 202O a Rapid Antigen Test hmanga District hrang hrang sample test zat

Aizawl - 3 (Mipa vek)
Kolasib - 177 (Mipa - 155, Hmeichhia - 22)
Champhai - 9 (Mipa - 8, Hmeichhia - 1)
Lengpui Airport - 3 (Mipa vek)
ZMC - 1 (Mipa)
Total - 193 (Mipa - 170, Hmeichhia - 23)

Attachment

  • Loading attachment...