No.3134/2020-2020

Nimin July ni 15, 2020 khan ZMC lab-ah sample 295 test niin tukin dar 7:00 khan result hriat a ni a sample test zinga 271 a negative a, positive thar 24 hmuhbelh a ni thung. Hetih rual hian Lunglei TrueNAT laboratory a sample 26 test atangin positive 5 hmuhchhuah thar a ni.

ZMC laboratory-a COVID-19 positive thar hmuhbelh te hi mipa 21 leh hmeichhia 3 niin, kum 3 - 64 inkar an ni.

An zinga 13 hi Assam Rifles sipai Zokhawsang, Aizawl-a Assam Rifles Quarantine Facility a awm mekte an ni a. 9 (mipa - 7, hmeichhia - 2) hi Lawngtlai district ami Assam leh Bihar atanga lo haw te niin, Mamit district ami naupang kum 3 (hmeichhia), Arunachal Pradesh atanga lo haw a tel bawk a ni. Lungverh-a NDRF sipai kum 27 a upa a tel bawk a, a ni hi symptoms nei ZMC a admit sa a ni a, midang zawng hi symptoms neilo an ni a, Quarantine Facility a awmlai vek an ni.

Lunglei District-a positive thar mi 5 te hi BSF, Vanhne camp a awm, Mipa kum 30-58 inkar, symptoms neilo, positive contact vek an ni.

ZMC a sample test a negative ta 271 zingah hian ZMC a enkawl mek, MST bus conductor COVID-19 postive dam ta nupui a tel a ni.

ZMC Laboratory-a District hrang hrang sample test zat (15th July, 2020)

Aizawl          - 156 (Mipa - 154, Hmeichhia - 2)
Lawngtlai    - 44  (Mipa - 32, Hmeichhia - 12)
Mamit    - 93 (Mipa - 74, Hmeichhia - 19)
ZMC              - 2 (Mipa ve ve)

TOTAL        - 295 (Mipa - 262, Hmeichhia - 33)

Mizoram COVID-19 dinhmun (16th July, 2020 @ 7:00 AM)
Active Cases        - 108
Cured/Dischared - 159
Total Cases          - 267