No.3135/2020-2020

Lunglei District-ah Quarantine Facility-a khung hran mek zat chu vawiin chhun dar 12:00 thleng khan mi 135 an ni a. An zavaiin sawrkar Quarantine Centre/DCHC/CCC-a awm an ni.

Nimin (15/07/2020) khan Lunglei Civil Hospital-ah swab sample 26 test niin Covid-19 positive mi panga (5) hmuhchhuah thar niin an vaiin BSF, Vanhne Camp a awm, mipa kum 30-58 inkar, symptom neilo, positive contact vek an ni. Tukin khan CCC-SIRD, Pukpui ah dah luh nghal an ni. Tun dinhmunah Lunglei District-ah Covid-19 positive mi 16 awm mekin CCC-SIRD, Pukpui ah enkawl an ni.

Quarantine period hmang zo tawh, swab sample test result negative bawk te pawh Quarantine atanga thlah zalen mek zel niin nimin chhun dar 12 leh vawiin chhun dar 12 inkar khan Lunglei District ah mi pathum (3) DIET Lunglei quarantine facility atanga thlah zalen an ni.

Nimin chhun dar 12 leh vawiin chhun dar 12 inkar khan mi pakhat (1) quarantine belh niin Tripura atanga lo kal a ni.