No.3438/2020-2020

Nimin July ni 24, 2020 khan ZMC laboratory-ah swab sample 238 test niin COVID-19 positive thar 28 hmuhbelh a ni. Kolasib district-a Counter Insurgency and Jungle Warfare School (CIJWS), Vairengte hnuaia Lailapur quarantine centre a awm mek sipai pakhat chu Rapid Antigen Test hmangin COVID-19 positive a ni tih hmuhchhuah a ni bawk.

ZMC laboratory-a COVID-19 positive thar hmuhbelh te hi an vaiin mipa vek an ni a. Border Security Force (BSF) sipai 28 niin, kum 25-52 inkara upa, India ramchhung hmun hrang hrang atanga lo haw khawm an ni a, quarantine facility a awm lai vek an ni.

Kolasib District a COVID-19 hmuhchhuah thar hi Rapid Antigen Test hmanga finfiah niin amah hi CIJWS a sipai, kum 29 a upa a ni a, Lailapur Quarantine Facility a awm niin Military Hospital, Masimpur ah dah luh a ni.

CIJWS, Vairengte hian Quarantine Facility hmun hnih ah an nei a, Vairengte-a CIJWS hmunah sipai nilo staff dang an quarantine a, Lailapur-ah sipai ho an quarantine thin thung a ni. COVID-19 positive hmuhchhuah tharte hi hnamdang sipai vek an ni.

ICMR advisory angin Rapid Antigen Test positive hi COVID-19 positive (true positive) an ni a. Finfiah tura ZMC RT-PCR lab-a sample thawn a ngai tawh lo.

Lunglei Civil Hospital a TrueNat laboratory-ah nimin vek khan sample 25 test a ni a. Heng zingah hian Quarantine Facility a awm mekte leh thawktute bakah midang sample pahnih test a ni a. CCC, SIRD Pukpuia awmte sample 3 test (repeat test) tel a ni bawk.

Repeat test te hi BSF mi niin an la Positive rih a ni tih finfiah a ni a. A dang zawng mi 22 sample test result a negative a. COVID-19 positive thar hmuhchhuah a ni lo.

ZMC Laboratory-a District hrang hrang sample test zat (24th July, 2020)

Aizawl - 132 (Mipa - 103, Hmeichhia - 29)
Mamit - 18 (Mipa - 9, Hmeichhia - 9)
Assam. - 44 (Mipa vek)
Haryana - 3 (Mipa vek)
ZMC-a thawk - 41 (Mipa - 20, Hmeichhia - 21)
TOTAL - 238 (Mipa - 179 Hmeichhia - 59)

District hrang hranga Rapid Antigen Test zat (24th July, 2020)
Aizawl - 124 (Mipa - 51, Hmeichhia - 73)
Kolasib - 157 (Mipa - 152, Hmeichhia - 5)
TOTAL - 281 (Mipa - 203, Hmeichhia - 78)

Mizorama COVID 19 positive case hmuhchhuah tawh zawng zawng zat
Total cases - 361
Forces (BSF/AR/NDRF/Army) - 156 (43.21%)
Civilians - 205 (56.79%)

Mizorama COVID-19 vei mek zat
Total Active cases - 178
Forces (BSF/AR/NDRF/Army) - 141 (79.21%)
Civilians - 37 (20.79%)

COVID-19 recovery rate in Mizoram - 50.69%