No.3439/2020-2020

Nimin chawhnu khan Centre of Excellence for fruits, Lunglei Training hall, Haulawng bul Saichhoh hmunah Horticulture Department Lunglei Division buatsaihin district chhunga huan neitute bakah Department aṭanga master trainner te tan Organic hmanga leiṭha siam  training neih a ni.

He training hi Pu L. Lalhmingmawia Pachuau Divisional Horticulture Officer, Horticulture Department, Lunglei Division chuan kaihruaiin, horticulture Department chuan  Division hrang hrang ten kut hnathawktu te thlai chinte an chawmna atana leiṭha siam chhuak a, thlai hrisel, hlawk zawk bawk si a thar theih tura hma a lak chhoh mekah Lunglei division pawhin kan ṭan thei hi a lawmawm hle a, kan hlawkpui ngei ka beisei a ti a,  North East State a awmchhun Centre Of. Excellence Kan district chhungah kan nei hi a vanneih thlak a, he centre behchhan hian farmer ten hamṭhatna leh hmasawnna tam tak an hmu chho mek tih sawiin, mi tam zawk trainning pek kan duh laiin Covid-19 avangin bituk neih a ngai tih sawiin kuthnathawktute pawh inpekna thuk zawk nena thawkrim leh zual turin a chah.

Pu Jacob Guite, Agrico Innovation, Clover Organic PVT LTD chu Resource Person niin, Huan neia thlai chingtute chuan lei (soil) hi ṭhian ṭha a kan siam ngei ngei a ngai tiin  Nature-vel- SW hmanga lei ṭha siam dan leh  Nature vel AG hman dan te Power point Presentation hmangin zirtirna a pe a, heng nature vel SW leh AG te hian  lei a siam ṭha a, thlai a ti hriselin thlai a ti ṭhangchak a thlai hrik in a beih tur lakah a ven bakah tharchhuah thlengin a ti pung ṭhin tih sawiin a siam chhuah dan a sawi a, chumi hnu ah lei ṭha siam dan dik practical a inzirtirna an nei nghal bawk.

Pu C. Lalṭhakima HEO (Hqrs) chuan lawmthu sawi a, he training a tel   farmer te hnenah Nature vel AG an sem nghal bawk.