No.3832/2020-2021

Nimin August ni 5, 2020 khan ZMC RT-PCR laboratory-ah swab sample 175 test niin COVID-19 positive thar 31 hmuhbelh a ni a. Lunglei Civil Hospital a TrueNAT laboratory-ah sample 34 test niin COVID-19 positive 1 hmuhchhuah a ni a, Rapid Antigen Test hmanga sample 44 lak zingah COVID-19 positive 1 a awm bawk.

ZMC RT-PCR laboratory-a sample test 175 zingah hian sample 144 a negative a. Negative zingah hian pre-positive test nawn 1 an tel a ni.

ZMC laboratory-a COVID-19 positive thar hmuhbelh te zingah Aizawl district ami 29 an awm a, Kolasib leh saitual district atang 1 ve ve an awm a ni. Mipa 30, hmeichhia 1 niin Kum 26-60 inkar a upa an ni.

Aizawl district a positive hmuhchhuah zingah hian BSF 9 leh Assam Rifles 18 an awm a, India ram hmun hrang hrang atanga lo kir niin Quarantine facility a awm lai vek an ni a, BSF ho hi Quarantine facility a an awm laia positive contact atanga inkaichhawng an ni a. COVID-19 symptoms nei an awm rih lo.

Aizawl district a positive dang 2 hi ZMC a damlo enkawl a duty nurse pakhat kum 31 a upa leh ZMC a enkawl lai mek mipa kum 29 a upa an ni a. Nurse hian ZMC-a COVID-19 vei a enkawl lai atangin a kai a, COVID-19 symptoms a nei lo a ni. Mipa hi Assam Regiment a ni a, COVID-19 symptoms a nei thung a ni.

Saitual district a COVID-19 positive hmuhchhuah hi mipa kum 33 a upa niin Quarantine facility a awm lai a ni a, symptoms a neilo.

Kolasib district a COVID-19 positive hmuhchhuah hi hnamdang sipai, mipa kum 27 a upa niin Assam atanga lo kir a ni a, Quarantine lai niin COVID-19 symptoms a neilo.

Rapid Antigen test hmanga COVID-19 positive hmuhchhuah hi sipai, kum 29 a upa niin Assam atanga lo kir a ni a, Quarantine facility a awm mek niin symptoms a neilo.

Lunglei Civil Hospital TrueNAT laboratory-a COVID-19 vei hmuhchhuah Assam atanga atanga lo kir mipa, kum 25 a upa a ni a, COVID-19 symptoms a nei lova, Eklavya Quarantine centre a awm lai a ni.

August ni 5, 2020 a ZMC RT-PCR laboratory a District hrang hrang sample test zat
Aizawl - 159 (Mipa - 141, Hmeichhia - 18)
Serchhip - 2 (Mipa - 1, Hmeichhia - 1)
Kolasib - 4 (Mipa - 3, Hmeichhia - 1)
Saitual - 6 (Mipa - 3, Hmeichhia - 3)
ZMC - 4 (Mipa - 3, Hmeichhia - 1)
TOTAL - 175 (Mipa - 151, Hmeichhia - 24)

August ni 5, 2020 a Rapid Antigen Test neih dan
Aizawl district - 11 (Mipa - 9, Hmeichhia - 2)
Champhai district - 31 (Mipa - 22, Hmeichhia - 9)
Serchhip district - 2 (Mipa - 1, Hmeichhia - 1)

Total - 44 (Mipa - 32, Hmeichhia - 12)