No.3833/2020-2021

Vawiin khan Aizawl DC Conference Hall-ah ni 27.08.2020 a Aizawl Municipal Corporation huam chhunga Local Councils inthlan lo awm tura Sector Officer/Magistrate mi pariat ten Training an nei. Training hi Asst. District Municipal Election Officer Pi V.Lalmuanpuii’n a kaihruai a ni.

State Election Commission-in kaihhruaina a siam angin AMC Ward hrang hrangte chu sector pariat a then a ni a, sector khat hi Sector Officer/Magistrate pakhat-in a vil ang. AMC Ward chhunga Local Councils inthlanna-ah hian magisterial power pek an ni. He training-ah hian State Election Commission in Sector magistrate hna tura tar lante chu zirho a ni a. Sector Magistrate kal khawmte hian an hriatthiam loh laite, harsatna la awm palh thei thilte leh chung a lo thlen palh pawha chin fel thuai a nih theih dan turte zawtin an sawi ho a ni.

Sector Magistrate te hian tih tur pawimawh hrang hrang heng; inthlanna hmun hma buatsaih te, inthlan hmaa a vote thlak tu turte hrilh hriatte, inthlan ni a thlen dawn a en fel tur thilte, inthlan ni a an tih turte, inthlan zawh hnua an tih fel tur hrang hrangte siam sak an ni.