No.5502/2020-2021 

September ni 27, 2020 khan ZMC RT-PCR laboratory-ah sample 854 test a ni a, COVID-19 positive thar 36 hmuhchhuah a ni. Lunglei TrueNAT laboratory-ah COVID-19 positive hmuhchhuah thar 6 an awm a. Rapid Antigen Test hmangin COVID-19 positive 1 hmuhchhuah thar a awm bawk.

*ZMC Laboratory-a positive hmuhchhuah tharte hi Aizawl district-a sample lak vek, mipa 33 leh hmeichhia 3 an ni a. September ni 21, 22 & 23, 2020 a sample laksakte an ni.

Positive Contact atanga positive hmuhchhuahte :
Bawngkawn South : 3 - mipa 2 (kum 24 & 31), hmeichhia 1 kum 19 a upa an ni a. Home Quarantine lai vek niin, symptom an nei lova, 21/9/2020 a sample laksakte an ni.

Armed Veng South : 1 - mipa kum 44 a upa a ni a. 1st bn MAP mi leh sa, Home Quarantine lai mek, symptom nei lo, 21/9/2020 a sample laksak a ni.

Zonuam : 1 - mipa kum 31 a upa. Home Quarantine lai mek, symptom nei lo, 21/9/2020 a sample laksak a ni.

Quarantine Facility a awm positive hmuhchhuahte (31)

1) Assam Rifles 10 - mipa vek, kum 31 - 47 inkar an ni a. Tun hnaia Mizoram rawn lut khunghran lai mekte an ni. Symptom nei an awm lova, 21/9/2020 a sample laksakte an ni.

2) BSF sipai 18, mipa vek, kum 24-52 inkar. Mizoram pawn atanga lo kir khunghran lai, Symptoms nei lo vek. 22/9/2020 a sample laksakte an ni.

3) Maubawk Community Quarantine Facility - civil mi hmeichhia 2, kum 24 a upa ve ve, Noida (Haryana) leh Delhi atanga lo kir, 23/9/2020 a sample laksakte an ni.

4) Pushpak Quarantine Facility - mipa 1 kum 32 a upa, BRO mi leh sa, Mizoram pawn atanga lo kir khunghran lai, symptom nei lo. 23/9/2020 a sample laksak a ni.

TrueNAT Laboratory-a COVID-19 positive hmuhchhuahte
Lunglei Civil Hospital TrueNAT Laboratory-ah nimin khan Emergency Test neih niin Positive 6 hmuhchhuah an ni. Positive te hi mipa vek, kum 26 - 56 inkar, Assam Rifle mi leh sa vek an ni a, an vai hian tunhnaiah ram pawn a zinchhuahna nei lo (Travel history nei lo) an ni a, Positive contact atanga kai ni a rinhlelh sa, anmahni hmun Assam Rifles Kawmzawl, Lunglei-a in quarantine lai mek, Symptom nei lo vek an ni.

Rapid Antigen Test hmanga positive hmuhchhuah
Aizawl district - Hmeichhia, kum 19 a upa, Durtlang Mel 5 a cheng, symptom nei a ni.

ZMC Laboratory-a sample test zat
Aizawl district - 854 (Mipa - 545, Hmeichhia - 309)

District hrang hrang TrueNAT laboratory-a sample test zat
Lunglei district - 30 (Mipa vek)

Rapid Antigen Test zat
Aizawl district - 21 (Mipa vek)
Mamit district - 6 (Mipa - 3, Hmeichhia - 3)
Kolasib district - 313 (Mipa vek)
Serchhip district - 2 (Mipa ve ve)
TOTAL - 342 (Mipa - 339, Hmeichhia - 3)