No.5511/2020-2021

Mamit 28th September, 2020 : Vawiin khan District AH & Vety Hospital Complex Mamit- ah World Rabies Day, 2020 chu Dr. R.L Tanpuii, DVO Mamit chuan a hawng.

He hun hawngtu Dr. R.L Tanpuii chuan khawvel pumpuiah Ui a hri (Rabies) natna do hun a tan September Ni 28th - 3rd October 2020 hi hman mek a ni a. Ui a hri (Rabies) natna hian thisen lum nei ran zawng zawngah natna a thlen theih thu sawiin mihringah pawh thihna hial a thlen thei a ni a ti. He hri vei ran leh mihringte dam chhuah theihna chance a tlem hle a. Kum 1990 khan mi 54000 in an thihpui a, Kum 2013 khan mi 26000 in an thihpui bawk. He natna tihbaiawm tak laka kan him zawk nan Ui vulhtute'n tan kan lak a, kan fimkhur a tul hle a ni a ti.

Kumin World Rabies Day thupui hi "End Rabies ; Collaborate, Vaccine" tih niin Free Antirabies Vaccination Week hi 28th Sep - 3rd October 2020 chhung hman tura ruahman a ni a. Vawiin World Rabies Day hawnna pual hian Ui a hri danna hi Ui thahnem tak hnenah pekchhuah nghal a ni a. Tunkar chhung zawng hian man awm lovin ui a hri danna hi Vety Hospital zawng zawngah pek chhuah a ni dawn bawk a ni.

Free Vaccination hi September Ni 30-ah New Mamit Hall-ah neih chhunzawm tura ruahman a ni a. He hunah hian New Mamit lama Ui vulhtute'n Ui a hri danna lak hi ngaipawimawh theuh tura ngen an ni bawk.