No.5512/2020-2021

Kolasib 28th September 2020: Vawiin khan Kolasibah 'END RABIES, COLLABORATE, VACCINATE' tih thupui hmangin World Rabies Day hman a niin, he ni denchhen hian District Veterinary Hospital, Kolasibah Ui â hri danna (Anti Rabies Vaccine) a thlawna pekna hun neih a ni.

World Rabies Day hmannaah hian Chief Veterinary Officer Dr.Zothanmawii chuan thusawiin kumin World Rabies Day thupui atan End Rabies: Collaborate, Vaccination tih an a ni a, He Ui a hri hi kum 2030 ah chuan WHO chuan um bo a tum a, chuvang chuan he ui a hri um bo tur hian kan za vaia tang rual a ngai a ni, a ti a, hemi puitlin tur chuan Ui vulhtuten a hun takah vaccine lak an ngaihpawimawh a ngai a ni, a ti.

Vawiin ni a World Rabies Day pual hian a mamawhte tan ui a hri danna Vaccine a thlawn in pek chhuah niin vawiin khan ui 60 chuang hnenah Vaccine pek an ni.

World Rabies Day pual vek hian tunkar chhung hian Kolasib District chhung khua Lungdai, Thingdawl leh Bilkhawthlirah te a thlawnin Vaccine hi pek chhunzawm a ni dawn bawk a ni.

District Veterinary Hospital Kolasib in a chhinchhiah dan in kum 2019 khan ui 799 hnenah Ui a hri danna hi pek chhuah niin kumin 2020 nimin thleng khan ui 546 hnenah Vaccine hi pek chhuah tawh a ni bawk.