No.5513/2020-2021

Information & Public Relations Minister Pu Lalruatkima chuan tukin khan Vaivakawn leh Hunthar inkara lei hnuai che avanga chenna in chhia te tlawhin khawtlang hruaitute nen hmalak dan tur an enfiah.

Minister leh Aizawl West II Bialtu MLA ni bawk, Pu Lalruatkima chuan khuarel chhiatna avanga mahni in leh lo chan ta-te chu a tawrhpui hle tih sawiin sorkarin a theih ang angin tuamdam leh chhiatna thleng zel tur venhim dan tur a ngaihtuah tih sawiin, tunah hian chhungkua 19 te chu an inthiar chhuak tawh tih Minister chuan sawiin tukkina an enfiah-ah hian sorkarin thupek alo chhuah tawh angin chenna in building pathum chu thiah leh tura ruahman ani a, khawtlang hruaitute nena ruahman in Village Disaster Mangement lamin hma anla zui dawn tih Pu Lalruatkima chuan a sawi a ni. Leihnuai che avang hian kumin kumtir lam khan building 4 chu thiah alo ni tawh bawk a, Minister Pu Lalruatkima chuan vantlang kawng zauh chungchang ah sorkarin harsatna kan tawk nasa a, vantlang hmun humhim leh zah chungchang-ah mintin ten kan mawhphurhna ah dah ila a duh tih sawiin, in hmunlo ram theh chungchang-ah pawh Green area te pawh dah tawh turin House site plot kan neih a piang-ah ruahmanna siam a ni., a ti a. Kawngpui zauh chungchang-ah kawng kawi zingzum lai tan zawnga kawng lak hek anih in remchang zawnga lo neih tum an awm thin a chungte pawh chu Revenue Department chuan mimal hnenah pek chhuah a remti dawnlo a, vantlang hmun atan a zuah zel tawh dawn tih a sawi bawk a ni.

Minister hian Dawrpui Vengthar atanga Zarkawt pan chhohna kawng awmsa tih zauh dantur pawh a hmunah enfiah nghalin mimal ram lak ngai leh hmunhma tihfel ngaite tihzawh anih chuan UD&PA atangin a siam hna thawh thuai tura ruahmanna peihfel ani tawh tih a sawi a ni.