No.3359/2020-2020
Nimin July ni 22, 2020 khan ZMC laboratory-ah swab sample 365 test niin heng zinga hi 357 a negative a, positive thar 8 hmuhbelh a ni. Hetih rual hian Champhai District ah Rapid Antigen Test hmangin niminah vek khan COVID-19 positive pakhat hmuchhuah a ni a. Lunglei TrueNAT lab-ah Sample 32 test niin an vaiin a negative thung.
ZMC laboratory-a COVID-19 positive thar hmuhbelh te hi mipa - 6, hmeichhia - 2, puitling kum 26 - 51 inkara upa an ni a, mipa naupang kum 10 mi a tel bawk. Aizawl district ami 7 leh Kolasib district ami 1 niin Jammu & Kashmir, Assam, Bihar, West Bengal leh Nepal atanga Mizoram lo lut te an ni. An vai hian Quarantine Facility a awm lai an ni a, an zingah hian Zokhawsanga Assam Rifles sipai quarantine lai pakhat a tel a ni. Positive hmuhchhuah thar 8 zinga 2 hi mizo an ni a, a bak zawng mi 6 hi hnamdang an ni. Mizo positive zinga pakhat zawk hi India sipai, Jammu & Kashmir atanga lo haw, kum 46 a upa a ni.
Champhai District a positive hmuhchhuah thar hi mipa, kum 28 a upa, India sipai, Jammu & Kashmir atanga lo haw a ni. Amah hi quarantine facility a awmlai niin DCHC ah dahluh nghal a ni. ICMR advisory angin Rapid Antigen Test positive hi COVID-19 positive (true positive) an ni a. Finfiah tura ZMC RT-PCR lab-a sample thawn a ngai tawh lo.
Lunglei TrueNAT Laboratory-a sample test zingah hian BSF sipai 24 leh Lunglei khawtual mi 8 an tel a ni.
ZMC staff te zingah ni 5 kal ta hma lama positive contact nei RT-PCR hmanga an sample test te an negative vek a. Ni 5 kalta chhunga contact nei ni a hriat pawh Rapid Antigen Test hmanga endik an nih hnu ah an negative vek a ni. Positive contact dangte hi contact an nih atanga ni 5 hnuah test an ni ang.
ZMC Laboratory-a District hrang hrang sample test zat (22nd July, 2020)
Aizawl - 190 (Mipa - 146,Hmeichhia - 44)
Champhai - 1 (Mipa)
Kolasib - 49 (Mipa - 30, Hmeichhia - 19)
Lawngtlai - 23 (Mipa - 18, Hmeichhia - 5)
ZMC-a damlo - 1 (Mipa)
ZMC-a thawk - 101 (Mipa - 35, Hmeichhia - 66)
TOTAL - 365 (Mipa - 231, Hmeichhia - 134)
Mizorama COVID 19 positive case hmuhchhuah tawh zawng zawng zat
Total cases - 326
Forces (BSF/AR/NDRF/Army) - 121 (37.11%)
Civilians - 205 (62.88%)
Mizorama COVID-19 vei mek zat
Total Active cases - 147
Forces (BSF/AR/NDRF/Army) - 110 (74.82%)
Civilians - 37 (25.17%)
COVID-19 recovery rate in Mizoram - 54.90%
