No.3360/2020-2020

Nimin khan Higher & Technical Education Department Minister Dr.R.Lalthangliana pisa ah School Education Minister Pu Lalchhandama Ralte, Higher & Technical Education leh School Educationa official-te leh Committee for Promotion of Locally Manufactured Protective Gears te thukhawmin school leh college tan huna zirlaite tana hmaituamna (face mask) mamawh a nih dan te leh an neih theih dan tur te an sawiho.

He sawihona hunah hian school leh college academic session tan a nih huna zirlaiten Covid-19 laka an inven nana face mask an hman tulna leh pawimawhna te sawiho niin Mizoram chhunga zirna in leh zirlaite dinhmun thlir a ni a, Mizoram chhunga deh chhuah ngei hmai tuamna (face mask) hmanga zirlaite mamawh phuhruk theih dan tur te sawiho a ni a. Hemi chungchanga hmalak zel dan tur chu Committee for Promotion of Locally Manufactured Protective Gears, hmai tuamna (face mask) thuitu te leh Department pahniha thuneituten a tul angin an bawhzui dawn a ni.