No.302/2021-2022

Dated Kolasib: The 28th April, 2021: Deputy Commissioner Kolasib-in Covid-19 avanga inkhunghranten Covid-19 test chungchangah harsatna an tawh thin sutkianna atana Motor hman tur bik empanel tur thuchhuah siamah dil an awm lova. Chutih lai chuan Pi Lalthianghlimi, Venglai chuan a EECO Van (Ambulance) chu mamawhtute hman theih turin Pathian rawngbawlnaa ngaiin a rawn thawh a. Kolasib District chhungah khaw hrang hranga awmten hman mamawhna tur kan neih chuan a hnuaia phone number tarlanah hian biak pawh tur a ni ang a, hman dan tur ruahman ang hian hman thin tur a ni ang.

Motor hman dan tur chu hetiang hi a ni ang.

1.         A tui man leh siam ngai awmte chu a neitute tum tur a nih avangin man chawia hman tur a ni ang.

2.         A hman man hi Sawrkar rate ah Rs. 40/- per km a nih laiin anni hi Rs. 30/- per km in an tlan dawn a ni.

3.         A hman man hi a hmangtuten an chawi anga, motor neitu/driver hnenah pek nghal zel tur ani ang.

4.         Home Isolation-a awm mekte leh Contact Tracing avanga Test ngai/Damdawi in lam pan ngaite tan hman theih a ni ang.

5.         Motor hmangtuten a hman man chungchangah harsatna an nei a nih chuan Motor neitu/Driver te hnenah sawi tur a ni ang.

6.         Hei hian SOP zawm chunga mahni motor-a inphur/kal turte a dal lovang.