No.303/2021-2022

Aizawl the 28th April, 2021: Nimin khan Aizawl East-II biala Veng 7-a LLTF te leh Aizawl South-I biala Veng 7-a LLTF te chu  Sports Minister Pu Robert Romawia Royte leh Rajya Sabha MP Pu K.Vanlalvena te chuan an tlawh a. Veng hrang hrang 14 laia LLTF Members te chu an duty na hmunah meeting puiin an kawm a, Covid-19 hripui avanga an harsatna tawhte an ngaihthlaksak a ni. 

Sports Minister Pu Robert Romawia chuan LLTF te inpekna chu fakawm tiin Local Council, Kohhrante leh NGOs ten phei khai rual taka tan an la ho chu a ropui a, hahin rim rei viau tawh mahse tan la zui zel turin a sawm a ni. Minister chuan Mizoram rorelna sangber Mizoram Assembly pawhin assembly session hnuhnung berah Resolution siamin Covid-19 do zel turin tan lak a lo rel tawh a ni a ti a, Covid-19 hripui a lo thawhnawn meklai hian sorkar thupek zawm a pawimawh tak zet a ni a ti.

Rajya Sabha MP Pu K.Vanlalvena pawhin veng hrang hrangah thu sawiin LLTF te a fuih bawk a ni.

Minister Pu Robert Rimawia Royte chuan heng Veng 14-a LLTF te hi Sanitizers, Face Masks leh Rs 10,000/- theuh Covid-19 do nan a pe a ni.

Attachment

  • Loading attachment...