No.3145/2019-2020

Mi zawng zawng tan COVID-19 an vei leh veiloh test vek a tul lova. COVID-19 hrik pai finfiah tawh te nen a inhnimhnai (contacts)-te leh ni 14 kalta chhunga COVID-19 lenna rama zinte chu ni 14 chhung in lamah khunghran (home quarantine) tur an ni a, hemi chhunga khawsik, khuh, hrawkna an neih chuan COVID-19 an vei leh veiloh test tur a ni.

COVID-19 vei damlo enkawltu, khawsik, khuh, hrawkna neite chu COVID-19 an vei leh veiloh test tur a ni.

COVID-19 hrik pai finfiah tawh te nen a inhnimhnai (close contacts)-te leh ni 14 kalta chhunga COVID-19 lenna rama zinte ni 14 chhung in lamah khunghran (home quarantine) an nih chhunga khawsik, khuh, hrawkna an neihloh chuan COVID-19 an vei leh veiloh test a ngailo.

Tun dinhmunah Mizoram chhungah he natna inkaidarhna hmuhchhuah a la awmlo. He natna veitute hi COVID-19 lenna ram atanga zin haw emaw, COVID-19 vei mekte nena khawsa ho/inhnimhnai (close contacts) te an ni thin.

Private laboratory ten COVID-19 test kit an zawrhte hi Indian Council of Medical Research (IMCR) pawmpui a la nih loh avangin hman rih loh tur a ni.

COVID-19 chungchanga hriatfiah duh leh harsatna neite chuan COVID-19 Helpline no. 102 (Toll free) leh 0389-2323336 / 2318336 ah englai pawhin biakpawh theih a ni e.