230/2022-2023
Aizawl, the 22nd April 2022: Mizoram Sawrkar ( DM&R) chuan Supreme Court thuchhuah bawhzui nan a hnuaia tarlan ang hian COVID- 19 vanga thi chhung hnai tak (next of kin)-te hnenah ex-gratia pek chungchangah a dil theih hun chhung, compensation pek theih zat te leh an dilna lo pawm dan turah inkaihruaina a siam.

Supreme Court-in COVID- 19 vanga thi chhung hnai tak (next of kin)-te hnenah ex-gratia pek chungchangah a dil theih hun chhung, compensation pek theih zat te leh an dilna lo pawm dan tur thupekni 24.03.2022-a a chhuah angin Mizoram Sorkar chuan a hnuaia tarlan ang hian COVID-19 vanga thi chhungte hnena ex-gratia pek theih dan inkaihhruaina a chhuah a ni:

1. COVID- 19 vanga thi chhung ten ex-gratia an dil theih hunchhung chu a hnuaia tarlan ang hi a ni:-

a) Ni 20.03.2022 hma lama thite chu an thih atanga ni 60 chhungin;

b) Ni 20.03.2022 leh a hnu lama thite erawh chu ni 90 chhungin;

c) Engemaw harsatna bik neia huntiam chhunga dilna thehlut hman lote chuan District-a Grievance Redressal Committee-ah dilna an thlen thei ang a, an dinhmun a zirin Grievance Redressal Committee hian an dilna chu a lo pawm thei ang.

2. Ex-gratia dilna hi dilna dawn atanga ni 30 chhungin District thuneitu ten chak taka bawhzuiin a diltute hnenah hian compensation hi pek hman tur a ni.

3. Dilna dik lo emaw tanpuina dik lo taka dawngtute chu Sec. 52 of Disaster Management Act., 2005 hmanga hrem theih an ni ang.