229/2022-2023
Lunglei the 22ndApril’ 2022 : Ministry of Health and Family Welfare, Govt. of India in India Independence kum 75-na lawmna 'Azadi Ka Amrit Mahotsav' puala Block tina Health Mela (Hriselna Kutpui) buatsaih tura ruahman angin, vawiin khan Hnahthial Block tan PHC South Vanlaiphai ah Health Mela buatsaih a ni. Vice Chairman Bamboo Devolopement Board, Dr. K. Pachhunga, MLA chu khuallian niin Hnahthial Bawrhsap Pu R.Lalremsanga chu Khualzahawm a ni.

Health Mela hawnna inkhawm hi Dr.SR.Ngurchamliana, Medical Superintendent, Civil Hospital Lunglei kaihhruaiah Dr.K.Pachhunga chuan sawrkar laipui leh Health & Family Welfare Department tangkawp ten Health Mela hlu tak an buatsaih avangin lawmthu a sawi a, Covid hripui vangin hmasawnna tam tak a thuanawp a, Chief Minister Pu Zoramthanga leh Health Minister Dr.R.Lalthangliana hmalakna in Covid hri do kawngah Mizoram hi a ti tha ber pawl a ni a. Hengte hi Medical lam thawktute leh mipuite thuawihna avang ani a ti. Kumin chhungin Mizoram Health Sub Centre zawng zawng ah Wellness Officer dah tum a nih thu a sawi. He Health Mela hi South Vanlaiphai leh a chhehvel khua mipui ten hmang tangkai a damna leh hlawkna chang theuh turin duhsakna a hlan a ni. Dr.K.Pachhunga chuan a sawi zel na ah South Vanlaiphai atang hian sawrkar officer leh kohhran hruaitu tam tak chhuahna hmun a ni a, chung ho hnung zui turin zirna lam ah tan la theuh turin a chah bawk ani.

Khualzahawm Pu R.Lalremsanga pawhin thu sawiin sawrkar leh Health Department hmalakna a Hriselna Kutpui South Vanlaiphai a an buatsaih hi lawmawm a tih thu a sawi a. He hun hi mipuiten remchan nan hmang a hmang tangkai theuh turin a duh a, hriselna kawng ah Medical a mithiamte pan nachang hria a damna leh rilru hriselna nei theuh turin duhsakna a hlan a ni.

Vawiin South Vanlaiphai Health Mela ah hian Stall 17 buatsaih niin Lunglei atangin Doctor 8 leh Hnahthial atangin Doctor 6 ten damlo an en ani. Damlote tan a thlawnin Health ID siam sak an nih dawn bak ah Health Care hnuai ah Health Insurance Card (Ayushman Bharat PMJAY Card) siam sak an ni dawn bawk a ni.