228/2022-2023
Lunglei 22nd April 2022: Naupang kum 1-19 inkarten rulhut an pai lohna tura rulhuthlo pek beihpui leh rulhutin a nghawng thalote inhrilhhriatna hun National Deworming Day 2022 April ni 22 atanga ni 27, 2022 chhunga Lunglei District-a kalpui tur chu vawiin chawhma khan Lunglei Electric Veng Primary School-II ah District Bawrhsap Pu Kulothungan A IAS, chuan a hmanpui.

He hun hi Pu H.Sangthanga Add.DPC,Samagra Shiksha chuan kaihruaiin Lunglei DC Pu Kulothungan A IAS, chuan he programme in atum ber chu naupang Kum 1 atanga kum 19 inkarte rulhut laka ven hi a ni a. Ram hmasawn zelah hriselna kawnga hmalaknate ngaihpawimawh a nih thu sawiin, rulhut pai lo turin tih theih awlsam tak kut silfai that, thlai leh thei eitur silfai that, tui thianghlim chauh in, ekin tha leh thianghlim taka inthiar, eitur khuh that leh in leh a vel vawn faite tha taka zawm a tul thu a sawi a. Health & Family Welfare Department bakah Education Department te leh NGO a thawktute thawhhona leh thawhrimna kaltlangin National Deworming Day hlawhtling taka hman a ni chu lawmawm a tih thu a sawi bawk a ni.

Dr. LC Liana Chief Medical Officer Lunglei pawhin NDD Presentation pe in rulhut hian kan taksa a, ei tur tha kan khawlhkawmsa te lo ei zovin taksa a ti chak lovin kan harh vang lova kan dawldangin hriselna kawngah nasa takin nghawng tha lo a nei thei bawk a ni a ti. Rulhut danna damdawi hi naupang natna benvawn nei enkawllai mek damdawi ei lai nei te tan chuan pek hrih loh tur a ni a. Naupang Kum 1 atanga kum 2 inkar te chu a phela pek tur an ni a, kum 3 atanga kum 19 inkar te chu a puma pek tur a ni. National Deworming Day hi Date 27.4.2022 ah Mop Up Day hman leh tur a ni a vawiin a naupang la ei ve hman lo zawng zawngten he ni ah hian a ei leh theih dawn a ni.

Rulhut danna hlo hi vengtina Asha te leh Anganwadi thawktuten an mahni veng chhung theuh ah an sem dawn a ni.

Pi Lalthlamuani Rokhum CDPO Lunglei chuan lawmthu sawina a nei bawk a ni.