No.1688/2020-2021

Nizan (4.6.2020) khan ZMC laboratory-ah swab sample 340 test a ni a, COVID-19 positive 5 hmuhchhuah belh a ni. An zinga pali hi COVID-19 vei ni a rinhlelh ZMC-a admit tawh sa an ni a, pakhat hi Lunglei quarantine Centre a awm mek a ni.

COVID-19 vei hmuhchhuah thar te hi mipa 3 leh hmeichhia 2, kum 22 leh 29 inkar vek, khawsik leh khuh nei 4, symptom nei lo 1 an ni a, Delhi atanga lo haw 4 leh Gujarat atanga lo haw 1 niin May ni 28 leh June ni 1 inkara lo haw an ni.

Lunglei a COVID-19 hmuhchhuah hi Eklavya Residential School Quarantine Facility a awm lai niin asymptomatic a ni a, tukin khan Covid Care Centre, Pukpuiah dah luh nghal a ni.