No.3927/2021-2022
Aizawl, 7th February, 2022 : State Disaster Management Authority chuan February ni 1 – 15, 2022 chhung atan, “COVID-19 CAB No Tolerance Drive” a puang a, Home Secretary Chairman-na hnuaiah COVID-19 “Task Group on Monitoring of CAB & COVID-19 Restrictions” a din bawk a ni.
Task Group on Monitoring of CAB & COVID-19 Restrictions chuan District tina Deputy Commissioner leh Superintendent of Police te hnenah vawiin khan lehkha thawnin February ni 1 – 15 chhung hian COVID-19 CAB No Tolerance Drive khauh taka kalpui turin a hriattir a, District Administration, Police leh VLTF/LLTF etc., te chu theihtawp chhuaha tangho a hma la tura hriattirin, District tina Disaster Management Authority te chu an bial chhunagh Executive Duty te tuai thar leh turin a hriattir bawk.
Heng bakah hian LLTF/VLTF te kaihhruaina hnuaiah khua/veng tinah an bial chhunga CAB khauh taka zawm a nih theih nan CAB Implementation Committee din tura ngen an ni bawk a, inkhawmnaah CAB tha taka zawm a nih theih nan kohhran tinte hnenah CAB Implementation Committee din turin a ngen bawk a ni.
