No.3928/2021-2022

Aizawl, 7th February, 2022 : Vawiin chawhnu khan National Bank for Agriculture and Rural Development (NABARD) buatsaihin “Azadi Ka Amrit Mahotsav” (AKAM) program Lunglei DC Conference Hall-ah neih a ni. Pu Kulothungan A, Lunglei DC chuan he program hi a hmanpui.

Meeting-ah hian NABARD leh Bank hotute bakah Line Department hrang hrang - Agriculture, Horticulture, Fisheries, Soil, Sericulture Co-operation, AH&Vety, AMFU Welfare Foundation (AWF), NEIDA, Vanapa Society, World Vision India (WVI) leh Ainawn SHG te an tel a ni.

Lunglei DC Pu Kulothungan A chuan kuthnathawktute leh mahni kutkawiha eizawngte dinhmun chawikang tura NABARD hnathawh chu a ropui takzet a ni tiin Bank-te leh Line Department-te nena thawhhona tha tak an neih pawh chhawmnung zel turin a chah a. Kalkhawmte chu District ti hmasawn tura mawhphurhna fawng vuantute an nih angin an hma zawn theuha tih tur awmte uluk leh taima taka thawk chhunzawm zel tur leh mipui hamthatna dah hmasa zel turin a chah a ni.

Pu Evan T Munsong, District Development Manager, NABARD chuan NABARD hmalakna hrang hrang sawifiahin presentation a pe a ni.