No.3415/2020-2020

Vawiin chawhnu dar 1:30 khan Zokhawsanga Assam Rifles hmunah Covid Care Centre  hrang hrang Army leh Para-military lam ten an buatsaih theihna turin  Health & Family Welfare Department a mithiamten an zirtir.

He Training- ah hian Indian Army, Assam Rifles, BSF leh BRTF mi leh sate telin Dr Pachuau Lalmalsawma, State Nodal Officer for COVID-19 & IDSP leh Dr PC Lalramenga, Head of Medicine Department, ZMC bakah State IDSP  atangin Pu Lalfakzuala Pautu leh Yogesh Malvi, Microbiologist ten training an pe a ni.

Tun hnaiah Army leh Para-military mi leh sa te zingah  COVID-19 inkaina a hluar chhoh avangin nasa taka tan lak a ngaih thu te, Covid Care Centre  kalphung fel leh khauh zawka invawn a tul thu sawiin Dr Pachuau Lalmalsawma chuan civil mite entawn tlak (model) ni turin kalkhawmte chu a fuih a.

Trainingah hian thu pawimawh tak tak – COVID-19 Sample  lak leh thawn chung changte,  CCC leh Quarantine centre uluk taka kalpui dan tur te, COVID-19  positive-te  enkawlna leh chhuah dan tur  bakah hmanrua leh thawmhnaw hman tawh sawngbawl dante zirtir an ni.

Mizoram Sorkarin training pawimawh tak a buatsaihsak avangin Health & Family Welfare Minister hnenah zirtirna dawngtute hian lawmthu an sawi.

Attachment

  • Loading attachment...