No.652/2021-2022

Aizawl the 24th May, 2021 : Vawiin khan Aizawl Municipal Corporation huam chhunga Covid Care Facility Management Committee chu Information & Public Relations Auditorium-ah an Chairman Dr. Z.R Thiamsanga hovin an thukhawm.

Thutkhawmna-ah hian Bethlehem Vengthlang-a Forest Training Centre leh Advanced Research Centre for Bamboo and Rattan chu Community Covid Care Centre-a hman turin atul ang angah CMO East in hma lo la se tih rel a ni a. Hei bakah hian Durtlang Leitan-ah Community Covid Care Centre mamawh a ni tih ngaihthlak a ni a, hemi atan hian a tul anga hma la turin CMO ruat bawk a ni a. Discharge chungchangah CMO emaw MO te nen inbe rawn zelin sawrkar kaihhruaina angin kalpui ni se, Zoram Medical College-a Covid-19 positive damlo na zual thawnphei (refer) chungchangah CCCC-a duty tur Indian Medical Association atanga incharge officer ruat ten CMO kaltlangin remruatna siam ni se, CMO-in Ambulance (transportation) a tul angin a lo siam rem ang, tih tarlan a ni a.

AMC huam chhunga Covid-19 kaihhnawih bawlhlawh paina turin motor hire a nih thu AMC Commissioner hnen atangin ngaihthlak a ni a, waste disposal chungchangah harsatna a la awm lo tih sawiin, harsatna awm a piangah biak pawh theih reng a nih thu a tarlang bawk a. Kulikawn Hospital a Vaccinated Waste dahkhawl tlemte pawh Local Task Force te nen inthurualin ruahmanna siam a nih tur thu ngaihthlak a ni bawk a.

CCCC hi vengbil deuh bik te tana ruahmanna siam ni mah se, thenawm leh veng bulhnai ten a tul a nih chuan Local Level Task Force te inbe rawnin mamawh bik te tan ruahmanna siam a tha an tih thu Covid Care Facility Management Committee chuan a tarlang a ni.

Indian Medical Association atangin team 43 insiamin, heng mite hian AMC huam chhunga CCCC-a in quarantine te an vil a, an vaiin doctor 300 vel an ni a, sawrkar SOP ang zelin medical monitoring leh thurawn te an pe a ni.

Aizawl City Local Council Association General Secretary hnen atangin CCCC chungchangah harsatna lian tham a am hrihloh thu ngaihthlak a ni a, khawtlanga mi tlawmngai, inpe te zarah engkim tluang taka a kal thu ngaihthlak a ni bawk a ni.

Tun dinhmunah hian Aizawl E & Aizawl W chhungah CCCC 70 awmin, mi 352 CCCC-ah enkawl mek an ni.

Hu hunah hian DC Aizawl Dr. Lalhriatzuali, AMC Commissioner Pu K.Laldingliana, Dr. Pachuau Lalmalsawma, CMO ‘E’ Dr. Hmingthanmawii, CMO ‘W’ Dr Thani Pachuau leh midangte an tel a ni.