No.653/2021-2022

Dated Serchhip, the 24th May, 2021:    Vawiin hian Serchhip DC meeting hall ah Serchhip District Level Task Force on Covid19 member te leh Serchhip Jt. VC hruaitute, Village Council tin aiawhte leh MJA aiawhte chuan dt. 22nd May, 2021 a Chief Secretary, Mizoram & Chairman, State Executive Committee, SDMA, in dt. 31.05.2021 zing dar 4:00AM thlenga hman tur inkhuahkhirhna dan a tihchhuahte thlir hona leh Serchhip a kalpui dan tur te an thlir ho.

He hun chu Deputy Commissioner charge la mektu Pu Lalmuansanga Ralte, MCS, Addl. DC in a kaihruai a. Chairman chuan, heng sawrkar thupek kenkawhna kawngah hian Village Level Task Force te chu kan hmachhuan leh kan kutke pui ber an ni a, he hripui laka mipuite an him zel theih nan theihtawpa tang chhunzawm zel tura chahin an thawhrimna zarah Serchhip pawh kan ziaawm hlein kan hria a ni, a ti a. A tul anga anmahni tanpui turin an inring reng tih sawiin, engtiklai pawha biak theih an nih thu a hrilh a ni. 

Pu Stephen Lalrinawma, SP, Serchhip pawhin thusawiin, kumina inkhuahkhirhna khauh zawk kalpui a nih atanga hma an lak tawh dan tlangpui sawiin dan bawhchhia an man te chawi tling khawm pawh Rs. 35800 a nih tawh thu a tarlang a ni.

State Executive Committee thuchhuak anga he inkhuahkhirhna kalpui chhunga District Level lamin a lo rel ve theih awm ang ang te leh Chief Minister Relief Fund Serchhip district in a hmuh sem dan turte vawiin hian ngaihtuah ho a ni a. Dawr hawn hunbi dik taka kalpui a,  feh hunbi pawh zing dar 9:00 am hmaa khaw chhung chhuansan hman a, tlai dar 4:00 pm hnuah chauh haw theih ni se tih te, Serchhip District chhung khaw danga dawr neituten Serchhip Whole Sale dawrte an rawn dawr theih nan Nilaini leh Nilaithawhtan niah hun siam saka, an rawn dawr duh Whole Sale dawr awmna VLTF te nena ruahmanna siama lo en pui ni se tih te sawi a ni. Meeting minute ah heng kalpui dan tur  hi chiang taka tarlan a ni ang. Tin, Chief Minister Relief Fund atanga Rs. 2,50,000 an dawn   sem dan tur pawh uluk taka sawi a ni a, tunah hian VLTF te chu an bial chhunga chhuan chham tawk theite thehluh tir mek a ni a, he report mil hian DC Office lamin sem chhuak mai se tha an ti a ni. CM Relief fund pek chhuah dan hi a remchan hunah Press Release la siam leh a ni ang.

Vawiina meeting hian a tul thuta hnathawk mai thei turin Disinfectant Team din an rel bawk a ni.