No.3631/2021-2022

Aizawl 11th January, 2022 : Vawiin khan Pu Binay Chirania, Regional Manager, Central Warehousing Corporation, Regional Office, Guwahati leh a hote chuan Dr. Lalrozama, IAS, Mamit District Bawrhsap chu DC Bungalow-ah hmuin Covid damlo enkawlna, Makeshift Hospital sakna tur cheng Nuai 10 an hlan.

Mamit District chu District chawikan ngai anih angin Covid Care Centre sakna tura sum hi pe an nih thu CWC hotute hian an sawi a. District mipuite'n tangkai taka an hman ngei an beisei thu an sawi bawk. Hei bakah hian Mamit District chu Warehousing Infrastructure lama tihhmasawnna atan Warehouse (godown) sakna tur ram ruak national highway emaw railway kalkawng bulah acre 2 atanga acre 3 bawr vel an mamawh thu sawiin ram ngaihtuahpui turin Mamit DC hi an ngen nghal a. A man pawh inbiakremna anga pek an inhuam thu an hrilh bawk a ni.

Makeshift Hospital atan hian cheng Nuai 20 (20 lakhs) ruahman niin Building sakna turin Nuai 12 (12 lakhs) leh Makeshift Hospital hmanrua/bungraw lei nan Nuai 8 (8 lakhs) ruahman a ni a, vawiin hian 1st Instalment cheng Nuai 10 Mamit DC kutah hian an hlan a ni.


Attachment

  • Loading attachment...